السلام عليكم ورحمة الله وبركاته
هاذي قصيده لشاعر من شعراء قبيله مزينه وهو من اهل قرية الفويلق
قال القصيده من عقب فراقه لنجــــــد
يقوول:
ينفعني طاري نجد لو كنت عنهـــــــا
يمت ديـار مشرعيـن المواثيــــــــــق
واهني حين في حياته سكنهـــــــــا
حتى يجيه مفرق الناس تفريــــــــــق
ياليت معتق مارحل عـن وطنهــــــــا
لوكان يدور المعوشه على الريـــــق
وياليت ضعونه ماخلفت عن ضعنهـــــا
ويدرج الخلفات لقطـف الزماليــــــــق
ويشـارك الحيـران لـذة لبنهــــــــــــا
لاجات من روض الخزاما المفاهيــــق
وضحن تلاعج والسعد في مننهــــــا
عميدها مثل الوضيحي ليـا سيـــــــق
لاجات رفـاع الارض ولا طمنهــــــــــــا
بايضها مثـل بيـاض الغرانيـــــــــــــق
الاسـواد عيـون باعـلا وجنهـــــــــــــــا
مثل عيون الريم للوصف تصديـــــــــق
لاهبهب النسناس ريحـة عطنهـــــــــا
زبل الادامي في شغايا الشواهيـــق
فارقتها والنفـس يغلـي شجنهـــــــــا
ومرن على كبدي غداله عشاليــــــق
من لامني عساه يلبـس شطنهـــــــا
ويذوق ماذقته من القهر والضيـــــــق
ناكل من الدنيـا خوافـي غبنهــــــــــا
وصدورنا بقفال مثـل الصناديـــــــــق
لابد مـن يومـن يجينـا ثمنهــــــــــــــا
لاقامت الجما على الغـر تصفيــــــق
في ساعة كن العواصـف دخنهــــــا
وعلى شفير انار كـل المخاليــــــــق
يحكمبها اللى كل نفسن رهنهـــــــا
اللى جعل بين الحنايا معاليــــــــــق
الشاعر/معتق عقيل البشري
.:: إعلانات الموقع ::. 
10-17-2008, 05:29 PM
قصيده شامخه 
العرض العادي
