يالفكر وينك حان للشعـر ميـدان=ابيك شد الحيل واربط لك حـزام
سافر على بحر المواجع والاحزان=ولا على جو المخاوف والاوهـام
ولا على بـر الـزلازل وبركـان=اهم شـي سافـر بعـزمٍ ومقـدام
للقدس ام الجرح من حرب الاديان=اللي بها نفذ بلا شـرع الاعـدام
فيها انقتل طفلٍ مع امه وشيخـان=فيها انهدر دم الارامـل والايتـام
محمـد الـدره دليـلٍ وبـرهـان=صرخات موته واصله عبر الاعلام
ياكم طفلٍ مـات بعيـار نيشـان=على يدين الكفر عبـاد الاصنـام
خانو نبي الله على مـر الازمـان=قلبي وقلب فلان وفـلان منضـام
يقتل ويشغل بالسياسات الاذهـان=قتلى وتعذيبٍ على مـر الاعـوام
ماكن صار اليوم شـيٍ ولا كـان=حتى ولو النـاس سجـد وصيـام
عشنا عشان نعيش ولا على شان=نموت تحت القصف وبيوتنا حطام
والنوم صار اليوم فحقوق الانسان=افظل طريقه تالي الليـل لا تنـام
ارفع يدينك واطلـب الله بحسـان=يالله ياهـادي عبيـدك للاسـلام
يامعطي محمد مع الوحـي قـرآن=تنصر فلسطين وتخفف مـن آلام
بالنصر تمسح دمعةٍ داخل اعيـان=وتجعل عقابك عاجلٍ للاهل الاجرام
.:: إعلانات الموقع ::. 
حــرب الاديــان 
العرض العادي
