البارحه صحيت بالآهات جيراني
واليوم زاروني ودمع العين هتاني ...................... قلبي كواه
نارالمآسي والنفس بالحيل منهاره
قالوا مريض؟قلت أنا بالفعل مرضاني
قالوا تداوى قلت قاسي الوقت داواني .................. يكفي دواه
يكفي الصبر مع أن مالي نفس صبـّاره
قالوا تعاني قلت طول الليل سهرانــي
إدكي على أحزاني وسامر ذيب سرحاني ............... وأعوي عواه
والقلب يرجف مثل لو في الصدر كساره
قالوا المرض في القلب وإلا صوب الأعياني؟
قلت المواجع كلها في قــــلب شقيانـــــــي ................ مــافي سواه
هو المريض ولأجله العينين سهـــــــــــاره
قالوا بلياك صار من لوعات الأزمانــــــــي
وإلا أختلاف الطبع في عادات الأنساني؟................ وإلا إتــجاه؟
نبغاك تخبرنا ومـــــثلك نأخـــــــذ أخبــــاره
قلت القضيه نابعه من عمق وجدانـــــــي
والفكر برمجها على رحله وسرّانـــــــــي................... درب ٍ ســراه
دفعت له من دمّ قلبي حق مشــــــــــواره
الناس في عالم وأنا في عالم ثانــــــي
فكري سرى بي صوب خلاني وخلاني ......................أسـري وراه
مابين دمعه حارقه وســـــهوم غداره
أبحرت في بحر العيون السود وحداني
قاويت موجه عشر مرات وتحد ّانـــي .................... وأقــــبل هواه
وصار بي مركب غرامي خلف تـيـاره
واصلت قلت الموت مره والعمر فاني
وأخذت وقت ٍ في طريقي والقدر جاني..................... يحمـــــل معاه
صدمه وجرح ٍ في يمين القلب ويساره
.:: إعلانات الموقع ::. 
10-15-2008, 12:57 AM
قصـــــــــ البارحه ــــــدة 
العرض العادي
