هذا أنا وحروفي والفكر المشتت والخيال=وكلنا نبض ومشاعر وسط ارجاء القصيد
يجمعنا بيت الشعر ونسكن في سطور الإرتجال=ولاأستفدنا شي ولكن في أمل إنّاا نفيد
لو كانت أرواح القصايد تسكن أعماق الرجال=ماكان به شاعر يغني غير من دّم الوريد
وش الجديد وكلنا من سوء حال لسوء حال=نظرنا تحت أقدامنا ونخشى نغامر للبعيد
اللي يّوكل عادته على الجميع الإتكال=ياشين طبع اللي فقد ذاته وإحساسه بليد
والإحتمال اللي لغا في عصرنا ألف أحتمال=نبقى على المجنون لايطلع لنا واحد جديد
نحفظ سؤال ولانبي نسمع إجابة السؤال=وشلون صرنا هكذا وأسيادنا كانوا عبيد
شي ٍ يقال وشي يبقى في غياهب المقال=عمر البلح ماكان ينبت فوق أغصان الجريد
لله درك ياحروفي في مثل وأضرب مثال=تطوعين الفكره غصب وينحني لك العنيد
هذي قصيده جاهزه وبشارك إن حصل مجال=مدام انا شاعر أبثبت قدرتي لأهل القصيد

شعّارنا قاموا .. تلاقوا في محبة واتفاق=وكلنا نبض ومشاعر وسط أرجاء القصيد
يا جنون فكري تسابق جانا موعد للسباق=جانا موعد للتحدي بين صاحب أو بعيد
وتزداد أفكاري جنون مابين فكرة وانسياق=واضحة أفكاري و ماني مبتعد ولا جديد
ينبثق اسم القصيد وبعيني يبان الإنبثاق=شاعر وودّي في اللقب وبداخلي ناري تزيد
يا شاعري وضّح هدفك مابين حرب(ن) واشتياق=وعيني تشوفك يا قصيدي جاي تركض من بعيد
شاعري غافي ولكن لا قصد صحصح وفاق=شاعري وافي .. وصافي .. ومافي من مثله عنيد
شعري يروي من شربه ويتلذذ اللي منه ذاق=والقصايد من سيوف وسيفي بإذن الله حديد
يالله احفظنا في يوم الساق تلتف إبها ساق=وكلنا من تحت رحمة ربنا نحيا عبيد

يشهد الله ما عجزنا عن دروبك يالقصايد = وكلنا نبض ومشاعـر وسط ارجاء القصيد
ألتهينا مع جروح الوقت يوم الوقت قايد = كل يومٍ له من الحسرات واللّوعه نشيـد
ما ورثنا في زمان العولمه غير النكايد = وما خذينا من شتات أفكارنا معنى يفيد
ليلنا ليل المواجع عيدنا بالهم عايد = وقتنا كله قساوه وش بعد باقي جديد
أدري إن الصمت فينا له كلام وله مكايد = وأدري إن الصبر فينا ما بقى يحمل وريد
والبقايا في حنايا وقت ماله بالعوايد = كل ما زانت ظروفه زادنا ظلمٍ وكيـد
كلنا قام يتغيّر كلنا بالصدّ جايد = همنا وشلون نبعد عن حبايبنا بعيد !!
يا زمن هذي حروفي جبتها تحمل شهايد = يوم خانت بي ظروفي وصارت أقسى من حديد
أعذريني يا همومي يوم ترجمتك قصايد = وأعذريني يالقوافي صرت بأنفآسك وحيد

ياقصيدي لازهمتك لاتجيب الإ الجدد=كلنا نبض ومشاعر وسط أرجاء القصيد
القصيده في يديني مثل شيهانة هدد=للفرايد والنوادر لطَلعت دايم تصيد
من قراها قال لي واصل يجعلك للمدد==لك نمط مايشبهه شاعر ولك دربٍ فريد
جيت لشعار أنا ماجيت تكمالت عدد=الحصون امحصنه والراس مليانٍ رصيد
ياهجوسي حركيني فرصٍ جت للولد=والولد ماشاب راسه عجلي بي للجديد
خلي اللي لاقراك ايقول ذالشاعر قصد=شرفي مثل الأميره والبقايا لك عبيد
من قراك ايعيد يقرا ومن قراكي مازهد=مثل من يقرا القصص في الف ليله للحفيد
ياقصيدي لابعد الإبعد الإ بعد=ان كتبتك بالورق والحبر من دم الوريد