الموت هين البلا ويش ورا الموت ..
عند الحساب .. يهون سهم المنايا ..

باكر نموت و تصبح قبورنا بيوت ..
وعقب القصور بضيقات الزوايا ..

في جوف الارض وكل من حولك سكوت ..
وتعاقبن بالقبر عوج الحنايا ..

يارب يا منجي نبيك من الحوت ..
سترك وعفوك يوم كشف الخفايا ..

باكر ليا جينا على داعي الصوت ..
شيبان واطفال وشباب وصبايا ..

ندعي وحنا بين باكي ومبهوت ..
ورحنا لها ننقاد مثل السبايا ..

يا رب تهديني قبل لحظة الفوت ..
وتغفر ذنوبي يا كريم العطايا ..

اشكيك هم ٍ داخل الصدر مكبوت ..
وايامي اللي بالخطايا ملايا ..

ان لاذ بك من كان طايع و مبخوت ..
في من يلوذ المرتكب للخطايا ..؟

يا رب يا قادر على كل طاغوت ..
لا ياقف اللي وحدوا بك خزايا ..

رحماك لا منا صحينا من الموت ..
واليا وقفنا عند بابك عرايا ..

يارب يا منجي نبيك من الحوت ..
سترك وعفوك يوم كشف الخفايا ..

باكر ليا جينا على داعي الصوت ..
شيبان واطفال وشباب وصبايا ..

ندعي وحنا بين باكي ومبهوت ..
ورحنا لها ننقاد مثل السبايا ..

يا رب تهديني قبل لحظة الفوت ..
وتغفر ذنوبي يا كريم العطايا ..



عيونك تذله

لا هـنـتـي على النقل

وصح الله لسآن شاعرها

ولا هان ناقلها

لكِ ودي

كلك ذووق يالـغلا

عيونك




صح لسان شاعرها




ولا هنتي على النقل والإختيار الرائع

يسلمواااااااااااااااااااااااااااااااااااااااااااا