كل ٍ على رجم البطا ساق رجليه = والكل منّا للوصل كان محتاج ...
سبة ظروفٍ ماتعرف المشاااريه = وايام ٍ وقت ٍ يشتعل ظيق وازعاج
المسأله ماهي بتحتاج تشويه = ولاهي سجينة ظلم تستاهل افراج
والحال كن الحزن كتّف له ايديه = ماعادلي حيله على صد الامواج
وش حيلة اللي مانسى حب مغليه = اللي مشيّد بالغلا صرح وابراج
اللي ابيع الناس بلقـــاه واشريه =وانطح عشانه من العواذيل افواج
وان قاله الله ما اخيب ..هقاويه =سهم المنايا ماحصر(رمش وحجاج)
الا سهوم ٍ تقتل ... اللي يعاديه = وسهوم ٍ اخرى تتبعه وين ماداج
لا قاللي ياهيه ..انا اقول: لبيه= اللي غرامه داخلي حيط بسياج
اقسم بربي ..ياعرب ميته فيه= واغليه لين الموت واشتاق واحتاج