مساكم الله بالخير
والعيد السعيد عساكم من عواده جميع
يخويه تعذرني ولاعاد اباارعا البل=ابااشوف حالي وانت خويه وتدع الّي
هذا مطلبي عندك وبا ارجاك وتوسل=خدمتك ثمان سنين مطواع بالكلي
ذبحني هوا مزيونة زينها يقتل=وشوف الرسايل له سبوعين يرسلي
مقاطع جماله في بلوتوث لي يرسل=وفي كل مقطع عن جماله يفصلي
عيونه تذل ارجال شجعان ماتنذل=وفي حاجبه مكتوب للعاشق الذلي
وفي عينه اليمنى كماالسيف يوم يسل=اذاناظرت اقول جسمي بينشلي
وله رمش شجري عكشها من تحتهاظل=اذااشربهن للقبر يحفرويد فن لي
وله مبسم ريقه خمر طعمه معسل=يسكر طعمها والعقل منه يختلي
جديله سوات الليل بمتونها منهل=وتصفيفته موضة كوافير بالملي
يخويه حلو بالحيل من فوق لين اسفل=تمنيت وبكل المنا كيف يحصلي
ولن ماحصلي انتحر وافعل الاشكل=ترا الموت ولايعشق لغيري اهون لي
اذارحت ولاجيت ياخوي لاتسأل=وعلم لربعي قول من راح زد قلي
فداله اشوف الموت من حشمته يسهل=ولافيه غير الموت شي يبرد الغلي
انا استغفر الله قلب الايمان مايجهل=انا اخطيت ولساني من الموثمه زلي
الا يالحشيشي عوذ ابليس صوم وصل=وربك غفور لكل صوام ومصلي
سبحان من يمهل لعبده ولايهمل=ومن رحمته يالعبد لاتقطع الاملي
خلق من عدم سبحانه الله عزوجل=وقدر حياة الخلق والرزق والاجلي
والسلام عليكم00000000
.:: إعلانات الموقع ::. 
10-03-2008, 03:01 PM
يخويه حلو بالحيل000 
العرض العادي
