مرت عليّ أعوام والقلب تعبان = والبال يسرح مايحدد مكاني
عشت الحزين ودمعتي فوق الأوجان=تذرف ألم والموت يظهر يباني
ياعيد مثلك م أنعرف يوم خوّان=ليتك تذّكرصاحب(ن)قد نساني
ياعيدحزني داخل القلب قدبان=ودي دموعي تختفي لو ثواني
أباأسئلك ياعيد هو ليه زعلان!!=وأنا وريث الهم يومه جفاني
قلّه بقربه ترتحل كل الأحزان=دامه فقلبي ساكن(ن)من زماني
وقله بعد أرجوك لازلت حيران=وقله ترى ياعيد جرحي كواني
وقله ترى بعده انا حيل خسران=روحي مريضة والجفاء قد قواني
والله من بعده انا عشت حرمان=وكلمة أحبه دايما(ن)في لساني
أرجوك ذكّر حبي أن كان نسيان=قله ترى مشعل جريح ويعاني
هايم بدنيا(ن)ماعرف يوم عنوان=كنه سفينة مارست في مواني
وقله تراني صرت بالحيل هيمان=وقله مقره داخلي بالمحاني