بعاتبك وابيك تذكر لما فات = بعاتبك وشلون قلبك نساني
وأنا الذي ضحيت من دون حسرات = لجل المحبه ولجل عين الأماني
نسيت قلبٍ كان له معك وقفات = يصد عنك سيوف قاصي وداني
نسيته اللي ما ترك لك معانات = وما غبت حتى عن عيونه ثواني
يمد لك كف العطا والمسرات = ويزف لك دمه قصيد واغاني
ياما عشانك اقبل الهم بسكات = وأذل ظرفي لو بحبك عصاني
حرام أمشي لجل عينك مسآفآت = حسبي على وقتن لمثلك حدآنـي
جازيتني بالنار وبيديك جنات = هذا جزاء من له حبيبن أناني
تركتني في بحر كله متاهات = بحرن من جروحي ولوعة زماني
اكتم همومي وتذرف العين دمعات = والخل ساهي بالفرح والتهاني
عطيتك ايامي مع القلب اثبات = وشلون تقسى وتدري العمر فاني
اعتب عليك وأبلغك بالتحيات = أن كان قلبك حس تعرف مكاني

المشاركة الأصلية كتبت بواسطة عمر الظفيري الله الله عليك يالشمراني ابيات جميله منك ومأثره يالغالي صح لسانك والله

المشاركة الأصلية كتبت بواسطة عمربن عجرف الشمري الشمراني ليس بغريب عليك الابداع ولاكنك في هذهي القصيده رسمت الابداع في صوره اجمل صح الله السانك ولاهنت تقبل مروري اخوك عمربن عجرف الشمري

المشاركة الأصلية كتبت بواسطة عطر الروح الشمراني صح لسانك وعلا شانك وسلمت يمينك ولا هنت

المشاركة الأصلية كتبت بواسطة بيطار القصيد الشمراني صح الله السانك يالذيب ابداع ابداع ابداع لاهنت ياجزل اخوك بيطار القصيد