يـاسعد وش شـاف مـجنون ليلى بالغرام = أشــهـد انــه وان بِـلِـي بـلـوته يـاهـونها
يـاسـعد لـيـلاه وان مــات فـيـها مـستهام = تـــدري انــه بـالـهوى يـاسـعد مـجـنونها
الـمـصيبه مــن غـدى مـيتٍ لـه كـم عـام = عـشـقـته مــاتـدري انـــه قـتـيل عـيـونها
قـرهـدت نـفـسه عـلـيها ومــرّ الـكبد زام = ودوك قـلـبـه يـاسـعـد مـزّعـتـه طـعـونها
يـاسعد والله يـالولا الحيا واخشى الملام = والـقـرابـه والـحـيـا والـهـوى وجـفـونها
لاانـهبه وانـحاش واجلى جنوب ديار يام = مــا يـردن لـو وقـف جـيش هـتلر دونـها
يـاسعد راع الـهوى بـالهوى لاضيم شام = مـــايــرده طــــول بـيـبـانـها وحـصـونـهـا
وان غوى راع الهوى في هواها مايلام = لااجـتـمع غـبن الـزمن يـاسعد وغـبونها
يـاسـعد هــي مـنوة الـلي تـمنى والـمرام = لـعـن ابــو حـظٍ قـصر يـاسعد مـن دونـها
أســمـع الـرعـاد واخـيـل بــراق الـغـمام = بــس مـادري يـاسعد ويـن وبـل مـزونها
ويـاسعد والله فـلا اسـلى هـواها لاحرام = لــو يـلـوح الـشيب فـي لـحيتي وقـرونها
وخـذ وصـاتي ياسعد وصلّه بنت الحشام = ذي وصـاتي كـان غـيري غـدى مظنونها
لا شرت ثوب الفرح تشتري لي باع خام = يـدفـنـونـي لــيـلـة الــعــرس ويـزفـونـهـا
.:: إعلانات الموقع ::. 
ياسعد وش شاف مجنون ليلى بالغرام 
العرض العادي
