قصيد حزينه عجبتني واتمنى تعجبكم..

بس لحد يبكي!!

تمنيتك علـي تقبـل .. أشوفـك مبتسـم فرحـان
وأشوف اهلـك يغنـوا لـك ولدروبـي يزفونـك

وتزيد بقلبي نبضاتـه ويحمـر وجهـي الخجـلان
ويرعش جسمي بقدومك وأقول امشي على هونـك

وامـلاك السمـا تحفـك بنـور الـرازق المنـان
عليك اسم الله يالغالي وعمت عين اللي يحسدونـك

تسابق لجلي خطواتـك تجينـي محتـرق لهفـان
وأحط يدي علـى قلبـي واقولـه جـاك مفتونـك

وتفتح طرحتـي بيـدك وأتـوه بسحـرك الفتـان
ياعمـري والله خجلانـة وميتـه بنظـرة عيونـك

يريحني كلامك لـي يامـا حـلا ليلـة العرسـان
وتعاهدني بتوفي لي وأعاهدك أنـي مـا أخونـك

مضى عمري وأنا احلم وأظم طيوفـه بالأحضـان
واسـأل ليلـى يـا ليلـى شسويتـي بمجنـونـك

تحقق نصف حلمي بك وشفتـك مقبـل وفرحـان
وشفت اهلـك يغنـوا لك.....وللحلـوة يزفونـك

خنقت بنفسي عبراتـي وخنقنـي قلبـي الغيـران
وحبست دموعي في عيني وقلت امشي على هونك

فضحني صوت شهقاتي ورجيت الواحـد الديـان
يخليهـا ويقدرنـي أضمّـد جرحـي مـن دونـك

أشوف شلون تضحك لك وقلبـي يشتعـل نيـران
دعيـت الله يهنيهـا معـاك وتجـلـي شجـونـك

وأنـا منهـو يهنينـي ويـداوي قلبـي الوجعـان
أنا ونيت يـوم أنـي سمعـت إخوانـي يطرونـك

غديت بغبنتي وحنيت وصفت إحساسـي للجـدران
رحلت وربي ما ضنيت مصيري غيري تصونـك

وناديتك ولا لبيـت وتخالـط شوقـي بالهجـران
بتنهيـدة أنـا ترجيـت لـي ربعـي يجيبـونـك

يقولـون ادفنـي ذكـراه وانسـي اللـي خــان
قسـم بالله مـا انسـاك ولـو هالكـون ينسونـك

تروف بحالتي سارة وتحلـف والله هـو خسـران
يواسونـي رفيقاتـي يقـولـن كلـنـا عـونـك

كبيرة بعين كل ربعـي أمـوت وعـزي ماينهـان
كـذا تخلينـي أصغرهـم مـع فلانـة يلقـونـك

أنـا مابـي مهـر منـك ولا شبكـة ولا فستـان
طموحي احتضن حزنـك وازيـن بالهنـا كونـك

أبيك تكـون لـي وحـدي بديـره مابهـا سكـان
تنومني بوسط عينـك وتلحـف جسمـي بجفونـك

غناتـي ليـه تاخذهـا وتشمـت فينـي العـدوان
وش اللي ساومك فيها وصغر شخصـي بعيونـك

وش اللي مو حلو فيني..؟؟ كسرت بخاطري يافلان
خبرعرسك قضى فيني هلكـت قليبـي بطعونـك

(مزن ) ضميتها وبليت شعرهـا بمدمعـي الهتـان
ياعمـري خلـو الخالـة وعساهـم مـا يخلونـك

يهون عليك ترخص بي وتجازي طيبتـي بنكـران
عشقت اهلك على شانك ولمـت اللـي يلومونـك

أسفه والله أسفه مكتـوب أهيـم بسكـة الأحـزان
ومكتوب تلقى بنت ناس تعيش بدالي فـي كونـك

ياشين اللحظـة ذي والله تمنيـت ألبـس الأكفـان
وأشوف الظلمة في قبـري ولا بغيـري يهنونـك

يبين ارجوووك خذ روحي ونادو يا هلـي الدفّـان
ابيـك تحـس بجروحـي.. وبتابوتـي يمرونـك

أبيك تشيل تابوتي علـى كتفـك يغصـن الـبـان
وتعرف قـدري بموتـي وتدمـع لجلـي عيونـك

بذاك الوقت أبي امسـح دمـوع الغالـي بأكفانـي
دموعكأغلى ما عنـدي يامالـك كـل وجدانـي

فراق أهلي وزواجك موت ، ودمعك موتي الثانـي
خلاص ارحمني لاتبكي دخيـل الله علـى شانـي

زماني مارحم ضعفـي هـزم حسـي وتحدانـي
(((عهد))) في قبري ما نساك تعال وزورني عاني

تعـال خلنـي بحـس إنــك عـلـي ولـهـان
وبـفـرح وانــا فــي وســط تربـانـي...

سهوم

ارحبي يالغلا
فديت مرورك..

صادقه القصيده معبره عن واقع كثييييير من العاشقااااااات!!

تسلمين على القصيده


ذكرتيني بقصائد الهنووود كلها حزينه


لاهنتي على النقل

راعية الشاص




اختيار رائع



صح لسان شاعرها




وسلمت يمينج على الاختيار والنقل

اخوي تمنتيتك
أول شي مشكور عالمرور
ثاني شي وش جاب طاري الهنود هنا شكلك متعدد اللغات
وبعدين الحزن ماله وطن اخوي
وترا حنا في قسم الشعر مو التسليه!!!

وشكرا مرة ثانيه...

عطوره
لاهنتي يالغلا
اخجلني تواصلك الدائم مع صفحاتي

فلك مني كل شكر وتقدييييييييييير...

وترا حنا في قسم الشعر مو التسليه!!!


يعني البس شماااغ واسبح بمسبااااح


قصدي الهنود لان طابع الحزن اكثر عندهم


واسف على تطفلي

يلا يا جماعه الخير

وين التفاعل
وينكم؟!!

شكل القصيده ماعجبتكم!!!!

أنـا مابـي مهـر منـك ولا شبكـة ولا فستـان
طموحي احتضن حزنـك وازيـن بالهنـا كونـك

أبيك تكـون لـي وحـدي بديـره مابهـا سكـان
تنومني بوسط عينـك وتلحـف جسمـي بجفونـك


شكلك أنتي إللي بكيتي ..:(


راعية الشاص ..


صح نقلك وحالك .. وجعل أيامك كلها أفراح ..

قصيدهـ تشلع القلب ..!


صح لسان شاعرتها ولاهانت ..


دمتي ودام حسّك بـ القصيد ..