يابوي ياكل البشر ,, ياعيوني = ياروح روحي ,,ياذراي ودوايا !
ياتاج راسي يابعد كل كوووني = وانت الذي سموك (جزل العطايا)
يابعدهم / ياكلهم / ,, يالحنوني = افخر بإسمك بين كل البرايـــــا ,
معروف اسمك ..قبل ماينشدوني = بإسمك ينادوني والبي .. عسايا
اجي لبعضٍ/من مزاياك/كوني = بنتٍ لشخصك / ياعظيم السجايا
يابوي جاك العلم / والقوم جوني = وانا اجيك اقول ،، تكفى ترايا
مابيه / لو هم بالغوالي ’’ شروني = ومابيه لو عيبه (قليل الخطايا)
ياراعي(الشقحآ) تراهم / حدووني=ولا حدٍ وقّف فالصف لحظه معايا
رديت /مير القوم / مايسمعــــوني=ناديت /بس القوم / صدوا ندايا
يابوي عوّد / جعلهم / للكفووووني = قومٍ كلامي ,,ماتعدّه ( وصـــآيا)
صحيح انثى ,,, غير / مايعرفوني = اني انا اللي (نآدره ) ’’ فالمزايا
واني انا اللي /ياقف ،الزيف دوني = واني انا اللي ,,, مرتفع مستوايا
واني حفيدة (مجد) ..والطيب عوني=واملك / تفاصيل / الحياة _بدرايا
واني ،،ليامن " ثار / ساكن جنووني = اقلب موازين ,,العرب والصبايا
والزين جاهم علم منّه ،،(يبوني) = من سيرتي بالزين / صفوا ورايا
تسلم عيوني صدق تسلم عيوني = سميت انا فيها " سهوم المنايا"
صغيرة ٍ توي / واجيـــد اللحــــوني =واجيب قافٍ/ يرتقي في مدايا
يابوي عوّد / قبل مايظلمــوني = يوم الحزن ..!غطى وعتّم سمايا