أخواني قراء هذا الديوان ,,

كتبت هذا الموضوع لحاجتي أليه .,, فهناك الكثير والكثير من المشاعر التي تنتابني ولا يسعني أن اكتبها شعرا ً ,,

لا أريد التقيد في الوزن والقاف أريد أن اعبر براحتي ,, واتكلم بحريه عن كل شي يحدث في هذا الزمن وكل شي يحدث في داخلي ,,



منذ طفولتي وانا أميل للكتابه الحره .., ولكن لم يأتي المجال أو بلأحرى لم اعطيها الاهتمام الكافي لكي اطورها وارتقي بها ,,

دائما ً ماتكون كتبي مليئه بالحبر ,, والابيات ,, والأحرف ,, كانوا الاساتذه يتظايقون مني لعدم اهتمامي بنظافة الكتاب والدفتر ,, لآنني كثير العبث والكتابه عليها ,, حتى طاولتي لم تخلوا من كتاباتي ,,



هناك أمور لآبد ان يتكلم عنها الانسان ويطلق لها العنان دون التقيد في وزن وقاف ,, فقط أن نترك القلم بحريه يخطط على الصفحات ما يشاء ,,


نعم اخترت هذا الموضوع [ القلم الحر ] لحبي للحريه ,, نعم اعشق الحريه ,, لا أحب الانصياع الى أحد والانتماء الى حزب أو مجموعه ,, منذ دراستي الجامعيه وانا حر ( مستقل ) ,, حتى في خوضي للأنتخابات كنت مع القائمه (المستقله) والمستقله تعني الحريه ,,


لا أريد قائد لي ,, لا أريد أن اسمع أحد يأمرني ,, لا أريد الانصياع وراء أحد ,,

بل أنا القائد والآمر والناهي ,, اتخذ قراراتي بنفسي دون خوف ,, حتى وأن رجعت الى الكبار لنصحي ولكن انا من فكر وأكتشف ,,



أريد التحدث عن كل ما أحسست به منذ طفوولتي ,, لآعوض ما فات من الزمن وما أندثر وانا لم أكتب شي ,, أريد أن تبقى حروفي الى الأبد هنا بينكم ,,




سوف أكتب هنا حتى يجف قلمي ,, وقد لا يجف مادمت اتنفس ,,

أدارة القصيد ,, شكرا ً شكرا ً شكراً لكم ,, لآنكم اتحتولي الفرصه لآكتب واعبر وابعثر حروفي ,,

لقد احببت هذا الصرح واحببت كل الاعضاء دون استثناء ,,

فسوف ابقى هنا ,, الى النهايه ,,



أنتظروا قلمي وجرأتي ,,,
يتبع,,

[ القصيد ]

هناك من يسألني لماذا انت هنا في هذا المنتدى وتركت كل المنتديات ..,؟

سوف أجوابك ايها السائل , نعم لقد تركت كل المنتديات واذا نظرت آخر مشاركه لي في أي منتدى سوف تجد التاريخ (مغبر) ,,

للأمانه انا قطعت عن جميع المنتديات وليس هناك سبب .. ولكن عندما انتميت الى هذا الصرح أحسست بالدفء والأمان .. وأحسست أنني هنا أجد نفسي ,,

هناك من يقول أنك جلست هنا لآنك (مشرف) ,, بالعكس انا هنا قبل الاشرافيه بكثير ,,

والاشراف في هذا الصرح يزيدني شرف ,, والاشرافيه لا تعتقد بأنها تشريف بل تكليف ,,

أنا هنا في بيتي وبين أخواني وأعزائي أستفيد منهم ويستفيدون مني ,, ونحن يدا ً واحده في هذا المنتدى ,,

أيها السائل,, ألم تكفيك الأجابه؟؟

سوف اتابع في الاجابه...

عندما أتيت هنا وشاركت في أول قصيده لي ,, لا قيت التشجيع ,, وقوبلت القصيده بشكل رحب وشامخ ,,

لقد انتقدني أحد الأخوان في هذا الصرح في قصيده لي ,, وزادني هذا الانتقاد نورا ً وعلما ً .. ولم ارحل متضايق من ما حدث من نقد .. والنقد صحيح وانا اعترف به ..

واعترفت به امام الاعضاء جميعا ً لآن الخطأ ان نخفي العيب في القصيده ونتكابر ... كلنا عباد الله وكلنا خطائون ..

بخصوص النقد لي موضوع سوف اضعه هنا في الصفحات القادمه ,,

نعود الى القصيد .. القصيد مجموعه من الاعضاء يكنون الى بعض مشاعر أخويه صادقه .. مجموعه لم أرى مثلها في هذا الزمن ولم أرى مثلها في أي المنتديات ,,

نعم اختلفنا ونعم تضاربنا في الآراء ولكن نبقى أخوان .. واختلاف الرأي لا يفسد للود قضيه ,,

عزيزي السائل أنا هنا بين ايدي القصيد .. فماذا تريد؟؟

هل تريد مني الرحيل؟؟ أأأأأنسى

واذا انت متضايق من قعدتي قولي ,, علشان ما افصل بالمره :>

وبخصوص الاخوان الي يراسلوني على الخاص والايمل يدعوني الى منتدياتهم ,, ليس كبر مني ولا غرور
عندما أرفض لا حشى لله ,, ولكن لا يمكنني الرحيل ,, فعندما أرفض فلا تقول ان يوسف الشاطري مغرور ومتكابر ,, بالعكس انا فقير عبد لله .. وطيب عندي سؤال؟؟ ليه انغر وتكابر؟؟ << نيوتن ولا الاعشى؟


انا هنا شاعر مبتدأ ليس شاعر علم ولا شاعر كبير .. انا مجرد محب لشعر وأكتب ما يمليه علي أحساسي,,

سوف أقول لك بالفم المليان .. لا أريد الذهاب الى منتداك يااااا أخي حل عني :) << عصب

يعني شنو تسوى عليك لو اقول أسمك :) ,, خلك رجال أجودي ولا ترسل ايميلات .. بس للعلم أنت ذكي جدا ً لآنك ماترسل خاص علشان ماتبي الاداره تشوف :) لا تخاف ان أمسح أول بول للرسايل ..

وماراح اعلم عليك يا حرامي الاعضاء :) والله كشخه هالقب عليك .,


طيب انت عطيتني عرض ما ينعطى لآخوك ,, طيب ياخوي انت اشهر نفسك بالأول بعدين فكر فيني ,,

اذا الشهره من وراك عوووووع ما نبيها ,, وللعم كل عروضك تأثر بضعيف النفس وانا ماني من هالأشكال,


وفي الختااااام ,,

لازم اقول شي لابد منه ,,

,,[ النقد ],,


----------------------

كنت في الماضي انتقد بعض الشعراء .. في المنتدى وقد تضايق مني الكثير .. أعترف أن ليس لدي الحق بالنقد .. لآن النقد له ناسه المتخصصين ,, ولكن انا لم انتقد أحد على معنى البيت أو الصوره الجماليه التي به ,,

انا انتقد على الوزن والقاف ,, انا ليس ناقد متخصص ولكن ,, هناك ابيات (مفلصه) يعني واضحه وضوح الشمس ,, ومبين الكسر وواضح للجميع ,, فعندما أقول لك أنه مكسور فأنا لم اتحدث عن فراغ ولا اتبلى عليك ياشاعر ,,


انا اتكلم بوضوح .. والكسر يفقد القصيده مسماها لآن القصيده تقف على ثلاث أركان أساسيه ...
وهي :-
1- الوزن
2-القاف
3-المعنى


فأذا خلت الكلمات من هذه الاشياء لاتسمى قصيده بل خاطره أو نثر ,, وهذه اساسيات الشعر ..

والشعر مثل البيت الي له عمدان واذا انكسر ونهدم عامود طاح البيت .. وياليت الشعار يشدون عمدانهم على شان مايطيح شعرهم على روسهم :) ,,,

بالنسبه لي تركت النقد لفتره طويله .. لآن صارت مشااكل كثيره ,, وخاصة من الناس الي صدورهم ضيقه والعياذ بالله ,,

ولكن واجبي اتجاه قسمي ( قسم النقد والمحاولات الشعريه ) يملي علي أن اقدم النصيحه والرأي ,, لآنني مشرف في هذا القسم ,, فأتمنى من الأخوان الي ينزلون قصايدهم بالقسم المذكور يتحملون الي يجيهم :) ,,,


وصدقني أول شخص راح يوقف معاك ويعلمك هو أنا ,, اذا كنت تحب الشعر فعطني يدك لآصل معك الى الشعر .. لا تتكبر في شخصك فالجميع بحاجه الى التعلم ,,

هناك ما يسمى بالنقد البناء .. ماهو لنقد البناء؟.. << مافي معلوم بابا ..
راح اجاوبك يا بابا ..

تعريف النقد البناء:‏ ‏
هو بيان أوجه الحسن وأوجه العيب في شيء من الأشياء بعد فحصه ودراسته أو تمييز الجيد من الرديء، ‏والحسن من القبيح،
. ويمكن تعريفه بأنه: بيان الأخطاء ومحاولة ‏تقويمها

أما في الأدب معنى النقد‏‎ : ‎دراسة‎ ‎النصوص الأدبية في الأدب ، وذلك بالكشف عما في هذه النصوص ‏من جوانب الجمال فنتبعها‎ ‎، وما قد يوجد من عيوب فنتجنب الوقوع فيها

أما النقد البناء فهو مشروع ويأخذ مشروعيته من أنه لا يخلو من أمور ثلاثة: فهو إما أن يكون نصيحة : ‏
والنصيحة مأمور بها، وقد ورد الحث على إبدائها في أكثر من حديث كما ورد (( عَنْ جَرِيرِ بْنِ عَبْدِ اللَّهِ ‏قَالَ بَايَعْتُ رَسُولَ اللَّهِ صَلَّى اللَّه عَلَيْهِ وَسَلَّمَ عَلَى إِقَامِ الصَّلاةِ وَإِيتَاءِ الزَّكَاةِ وَالنُّصْحِ لِكُلِّ مُسْلِمٍ )) . ‏
أو يكون النقد أمراً بالمعروف ونهياً عن المنكر: ‏
وتعلمون أيضاً الآيات والأحاديث الواردة في ذلك مثل قول الله تعالى: ((كُنتُمْ خَيْرَ أُمَّةٍ أُخْرِجَتْ لِلنَّاسِ ‏تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْرًا لَّهُم مِّنْهُمُ ‏الْمُؤْمِنُونَ وَأَكْثَرُهُمُ الْفَاسِقُونَ)) (سورة آل عمران 110).‏
وعَنْ حُذَيْفَةَ بْنِ الْيَمَانِ عَنِ النَّبِيِّ صَلَّى اللَّه عَلَيْهِ وَسَلَّمَ قَالَ: (( وَالَّذِي نَفْسِي بِيَدِهِ لَتَأْمُرُنَّ بِالْمَعْرُوفِ ‏وَلَتَنْهَوُنَّ عَنِ الْمُنْكَرِ أَوْ لَيُوشِكَنَّ اللَّهُ أَنْ يَبْعَثَ عَلَيْكُمْ عِقَابًا مِنْهُ ثُمَّ تَدْعُونَهُ فَلا يُسْتَجَابُ لَكُمْ )) .‏
وقد يكون النقد داخلاً في محاسبة النفس: ‏
وهذا نوع من أنواع النقد وهو ما يسمى بالنقد الذاتي ومحاسبة النفس، في مثل قول الله تعالى : (( يَا ‏أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ )) (سورة الحشر: 18) .‏
وعن شداد بن أوس قال قال : رسول الله صلى الله عليه وسلم: (( الكيس من دان نفسه وعمل لما بعد ‏الموت والعاجز من أتبع نفسه هواها وتمنى على الله )) . ومعنى دان نفسه : أي حاسبها .‏
وعن عمر بن الخطاب- رضي الله عنه- أنه قال: ((حاسبوا أنفسكم قبل أن تحاسبوا، وزنوا أنفسكم قبل ‏أن توزنوا؛ فإنه أهون عليكم في الحساب غداً أن تحاسبوا أنفسكم اليوم، وتزينوا للعرض الأكبر يومئذ ‏تعرضون لا تخفى منكم خافية))

هل وصلت الملعومه ؟... أكيد وصلت ,


عرفنا النقد البناء وعرفنا أن النقد شي طيب وله حسنات ..

أجل ليه تعصب يوم تنتقد؟؟

عندما ينتقدك أحد النقاد تقبل النقد بصدر رحب .. والله العظيم أن النقد لك وليس عليك يا شاعر ,,

أما اذا كان النقد غير بناء وكان للأستهزاء والتشهير فهذا من حقك ان تزعل عليه ,,

والحمدلله منتدياتنا لا يوجد بها هذا النوع والعياذ بالله ,,

أخواني وأخواتي الشعار .. النقد البناء سوف يصل بك الى القمه والجزاله في الشعر فتمسك به قدر ما استطعت ..

ولي يزعل من النقد لا يعرض قصايده بالمنتدى ,,

انا كرهت النقد والسبه بعض الاخوان الي صدورهم ضيقه ,,

انا من الناس الي ما أجامل بالشعر حتى نفسي .. فما بالك بشاعر أخر ,,
فعندما اقول لك صح السانك ولم اعلق عليك فثق تماماً اني راضي على القصيده وجايزتلي ,,

وهناك بعض النقاد والشعار الي يخافون من نقد الشعراء الكبار ,, بالعكس اسهل شي نقد الكبار ,, ومالكبير غير ربك ,

تقولولي شلون اسهل شي, , انا اقولكم ( ابلشتوني بأسلتكم ) << ومنو سألك يا فؤاد الهاشم .

هههههههههههههه

الشاعر الكبير والعلم لابد ان يبدع في كل جوانب القصيده صح ولا لا؟؟؟

يعني اسمه كبير وعلم ,, يعني لازم يحبك القصيده حبك ,, لازم يتمتع بصور ومعنى وقاف ,,

وانت اقراْ لشاعر الكبير اذا في صوره تحس انها مهزوزه او غير صحيحه لك حق تحاسبه .. وبالعكس مع الشعراء المبتدئين الي يمكن نقض النظر عنهم لهذه الامور ,, أما الكبير يبقى كبير ,, واي شي يخطأ فيه يحاسب عليه ,,

في معلوم؟؟؟

وأخذها مني لا تبوق لاتخاف << شكو بالموضوع؟؟

هههههههههههههههههههههههه

فكل شاعر جدير بالانتقاد بما يراه مناسبا ً ,, اما انك تقعد تفصل لا هذي يبيلها نقاد متخصصين ,, أما في اشياء سهله مثل القاف والوزن وانت متأكد ان في ثقل او كسر قووووول لا تستحي وماجاك عندي << اذا لقيته :)

للأمانه انا اعجبني الشاعر والاخ (تركي العصيمي)
عندما وضع قصيده ف قسم النقد وطلب النقد وهو شاعر جزل لا يحتاج لنقد من شعراء في مستواه ودون منه ,,

ولكنه تقبل النقد بصدر رحب وانا أول من انتقده والموضوع موجود في قسم انقد تقدرون تشوفونه ,,

ف لله درك يا تركي شاعر ورجل ذو شخصيه محترمه وطيبه ,,

بالنهايه النقد البنااااء واجب على كل شاعر في المنتدى ,, ولي يطلب رأي الشعار يتحمل ,,
الي يجييه ,, وبالأخص من اخوي الاعلامي سااامي ,, لآنه رادار المنتدى :) ,



اخواني واخواتي الشعار اتمنى انكم تعلمتوا ولو شي بسيط عن النقد البناء ,, وتعلمتوا ان الصدر الرحب وتقبل النقد شي لك وليس عليك ,,


فأذن سكر حلجك اذا احد انتقدك نقد بناء :) ,,



تحياتي ,,

في يوم من الايام ,, سألني أحد الاصدقاء .. لماذا دائما ً قصائدك فراق وآهات ,,,

بصراحه سؤال صعب .,!! ولا أنتوا وش رايكم .؟


انا توهقت ولا قدرت أرد عليه ,, افحمني بهذا السؤال ,,

ههههههههههه
هههههههههههه
ههههههههههههه

لي حق اضحك :) لآن السؤال هذا بايخ مع احترامي لصديق ,,

يعني بلااه ليه الواحد يكتب عن الفرقا .؟ أكيد لآنه مطوع ,.!!! هههههههههه

يا صديقي سبق واني ذكرت لك عمري ما كتبت بيت واحد الااا من قلبي وأحساسي ,,

يعني بلاااه لما اكتب فرقا ليه؟.؟.؟ لآلآلآلآني مفارق ياااا غبي ,,

انتهينا من هالسؤال ,, جاااااان يعطني سؤااال اقوى اقوى دمرني فيه ,,


تخيلوا شنو السؤال ,,.,.,.,

ليه ما تمدح فلالالالان وفلالالالان وفلالالالالان ,,!! يعني بالعربي مجاملات ,,

قلتله ابشر راح امدحهم ,, بس لما اشوفهم يفعلون الخير ويفعلون فعول رجال ,,

أنصدم من الرد ,, قلتله لا تنصدم انا اقدر امدح فلالالان وفلالالان الي تقول عنهم وتجيني فلوووس وكل الي ابي ,, بس انا مليون مره اقولك ,, انا ما اكتب خيااال وزيف وباااااااااااااااااطل ,,

على قولة مسلسل باب الحاااااره ,,( ياااااااااباااااااااااااااااطل )

فعندما أريد أن امدح اعرف امدح منو ,, طبعا ً امدحك أنت ,, هههه انطرني ,

فالشعر رساله ياااا صديق يعني أمانه لازم الشاعر يحافظ عليهااااا ,,

والمدح انا أراه أمانه على الشاعر ,, مو نفس شاعر المليون كل ما قعدوا على الكرسي قالوا بيتين مدح بالناااس ,, انا اعترف ان في ناس تستاهل المدح من الي ذكروهم الشعار بس في ناااس وااااااااااااضحه طراره ., زين ليش ما تمدحوني وانا أأأأرهي الدينار عليكم ,,

حااضر ترا اعطي فلوس :) ,, بس خلوووني شااااعر وفااارس وشييييخ << طبعا ً انا املك هالمواصفات بس يعني زيدوا ,,

<< اقول قم بس قم ,

هههههههههههه

لا تستحون أبد امدحوني وبشروا بالفلوس من 200 الى 600 فلس ,, كلي لكم ,

وعلى قولة الشاعر << يبي يخربها ,

ياااطويل العمر ماعندك عماره؟؟؟؟؟

يعني بلاااه شنو هذا؟؟ عماااره ياخي انت شحذت اشحذ شي أقوى :) .. بس صج لي قااال كلن على قده ,

والمشكله الممدوح احرجه قااااله برج برج .. ههههههههههههههه

والله وناسه المدح ,, يااااصديقي انا غيرت رااايي وبكره بدز قصيده بالفاكس حق الرجال الي انت خابره :) وبشر بالنصيفه :)

بس خوفك يطلع مثل رجالنا ابو جيك 400 دينار ؟؟.. ههههههههههههه جنك رايح بيت الزكاة :) ,,


وأخيرا ً ,, يا صديقي ,,

لا أعرف كيف أبدأ في سرد الموقف الذي حصل قبل ايام في 18-9-2008 يوم الخميس ,,

ولكن سوف أبدأ على عفويتي وقدرتي المحدوده في الكتابه ,, << مو صحفي ولا يعرف اساسيات الكتابه


المهم نرجع الى الموقف ,, البعض منكم يعلم انني طالب في المملكة الأردنيه الهاشمية ومتواجد حاليا ً في الأردن ,,,

شرايكم نكمل بالعاميه أحسن ..؟؟ << حسيت نفسي أبو جهل على هالكلام ..

مثل ما انتوا عارفين أن الملحق الثقافي يطلب أوراق من الطلبه الدارسين بالخارج ولازم أنك تباشرهم في هذه الاوراق ,, في كل سنه او كورررس بالاحرى ,,

ومن هذه الاشياء كشف الدرجات وشهادة حسن سير وسلوك واستمراريه دراسه ... أأأألخ

طبعا ً في بعضكم عارف أني كنت متواجد بالمنتدى من أمس بليل يعني سهران ,, وانا متعمد اسهر علشان أروح أخلص شغلي وانتوا عارفين اليوم خميس واذا ما خلصته راح انتظر يومين لين الاحد ..

قررت اني اروح الجامعه وجمع الاوراق وروح للملحق الثقافي وعطيهم الاوراق علشان أخلص وفتك منهم ,, قلت خلني أروح مبجر وانتوا عارفين الناس رمضااان والدوامات تتأخر لساعه 9 انا قلت خلني اطلع مبجر يعني 8 ونص ,, المهم قمت اخذت دوووش وبدلت وشغلت السياره وطلعت متوجه للجامعه ,,

طبعا ً انتوا عارفين أنا ليش رايح الجامعه؟.... علشان الاوراق ,.. يعني مو رايح أحضر محاضرات ...
طلعت ووصلت الجامعه وهي الجامعه الأردنيه جامعه حكوميه تقع في وسط عمان في منطقه اسمها الجبيهه تبعد عن السكن الي انا فيه حوالي 20 دقيقه ,,

الجامعه الأردنيه تعتبر من أكبر الجامعات في الوطن العربي والشرق الأوسط أو اكبرهم بعد ,, لآن مساحتها شي مو طبيعي .. ولها 23 بوابه .. تخليوا جم مساحتها؟؟؟

وصلت للجامعه وطبعا ً انا ابي أكثر من مكان بالجامعه .. مثل وحدة القبول والتسجيل و العمادة وشؤون الطلبه ... يعني دوخه وتعالوا شوفوا كم يبعد كل مبنى عن الثاااني ,,

المشكله أن المبنى الي أبيه يقع في البوابات الجنوبيه للجامعه يعني على الشارع العام واذا لقيتوا مصفط يبأأأأأأأ أبلووووني ,, لو فيه باركنق بفلوووس جان صفطنا ولكن الباركنق مال الجامعه الي بفلوووس عند البوابات الشماليه .. والزين فيه انه قريب من كليتي ..

قعدت أحوووووس أدور مصفط بين السيارات والباصات ومالقيت ألى مصفط وممنوع الوقوف ...
عاااااااد الشرطه تموت على سياره لوحه كويتيه يدورونه دوره أما باقي دول الخلييج ما يكلمونهم الشرطه .. بس حنا يالكويتييين ماكلينها بالأردن ..

طبعا ً المصفط الي وقفت فيه فوق ماهو ممنوع بعيييييييد بعد يدوخ يعني تمشي لين يطلع اصبع سادس برجلك .... قلت شسوي بعد لا حول ولا قوة الا بالله بمشي بخلص وبرجع الكويت مشتاااااااق لها .. وبخلي المحاضرات كلها ورا العيد ولي يصير يصير ..

نزلت من السياره ومتوجه الى مبنى القبول والتسجيل ,, طبعا ً أكثر واحد يسررررررح بالعالم أنا .. دايما ً امشي وبالي مو وياي يعني اررررروح بعيد بالتفكير ومرات أجر مواويل بيني وبين نفسي ... طبعا ً اول ما نزلت من السياره وطقيت الريموت قفلتها جااااااان اسرح وفكر .. وانا قاعد أمشي .. طبعا ً بالأردن نادر ما ألبس دشداشه وغتره وهالامور الرسميه .. يعني دايما ً ألبس ملابس شباب ..<< ليش شايب؟

لكن بهاليوم هذا لبست دشداشه(ثوب) <-=- لتوضيح لأخوانه السعودين والقطريين وغيرهم ,,
بس مالبست غتره ولا شماغ يعني عادي دشداشه وشعر .. وانا قاعد أمشي وطبعا ً سرحااااان على الأخر لو قدامي شبه دعمتها وانا مادري ..

وللعلم انا قاعد امشي بره الجامعه يعني على اسوار الجامعه من بره .. أنا أقدر أدش من اقرب بوابه وامشي داخل الجاااااامعه لين اوصل للمبنى الي ابيه .. بس ماكنت ابي ادش الجامعه وأمشي داخل بين الطلبه لأسباب أمنيه ودينيه ... بعضكم يفكر ليش؟؟ ليش؟؟ لا تفكر انا اقولك .. لآلآلآن البنات بالجامعه شي مو طبيعي وفي مسيح ويهود وكوكتيل يعني تبي تشووووف اشياء يمكن تبطل صيااامك ..
أأأأخذ تشيرتااات علاااااااق وخذ تنانير وشوراتات بعد .. يعني أقرب ماله من وصف هو شاطئ العرات ..
وانا الحمدلله صايم وسهراااان وتعبان وكل شي فيني وصارلي 4 ايام بروحي بالاردن والنفسيه صفرررررر



نرجع للمشي والسرحاااان ,, وانا امشي وسرحااان ولاااااا صووووت طفله تقوول ... الله يخليييييييييييييييك الله يرزقك ويوفقك الله يخليلك أمك والله والله والله وتدعيييييييي ,, بصراحه خرعتني بالبدايه لآني سرحان وفجأه طلع الصووت .. وطبعا ً الشارع فوووول طلاب وناااس الي ينطرون الباصات ولي واقف مع صاحبته ولي ولي ولي .. والطفله صوتهاااااا عالي وتدعي والمشكله انها حاااااااافيه وبكل أمانه شكلها يخررررع انا أحطها بذمتي ما تسبحت صارلها قليييييييون سنه ..

انا هني توهقت ماعندي شي اعطيهااااااااا يعني مافي خرده عندي راس مالي 300 دينار أردني وكلهم نوط بو خمسيييييين وجم دينار .. وانا محتاج الدنانير حييييييييل
لآن في طوابع داخل وانا ابي طابعين وكل طابع بدينار .. ادري قاعدين تقولون ليش ماتعطيها مدام معاك 300 انا اقولكم لآن في الفصل الماضي تعبت تعببببببب الله يعلم فيه وسبه دينار .. كنت بطلع نفس الورقه وماكان وياي الى نوط بو خمسين وبعد الدووووووووووووووور الي كسر العامود الفقري قالي مافيشششش فراااطه ياباااا (بالاردني) قلتله شلون يعني أروح افرررررط وأردلك اوقف بدور قال شو طااالع بيدي اعملك يازلمه .. ورحت ورديت وفرطت وخلصت .. يعني تعبت والي يذوووق الي ذقته لازم يجي مره ثانيه معااااه دنانير الدنيه علشان يعطي العالم الي توهق عند الشباك هههه علشاان مايتعبون التعب الي تعبته وانا ادور فررررراطه(خرده),,

مالكم بطوووويله << عقب شنو يالحبيب ..
الطفله تصيح وتدعي الله يخليييييييك بدي اشتري كندرررررره ماتقدر تقول بدي آآكل لآن الناس رمضان ههههههه سبحان الله حتى الطفله ذكيه .. طبعا ً العالم كلها اطالعني وتقول في قلبها شنووو هالخليجييييي البخيل هذا ماعنده قلب هذا ولا شنو .. انا بهالحظه تمنيت الأرض تنشق وتبلعني لآن نظرات العالم زادت صوبي .. مديت ايدي بجيبي وطلعت المقسووووووووووووووووم وعطيتهاااا

والله العظيم ما يمديهاااا راحت ولا الثانيه وراي وتدعي التفت ولا نفس الخشه اظاهر اختها وتخيلواااا بنفس الطريقه وتدعيييييييييييييييييييي بصوت عالي .. وانا امشي والعالم اطالعني بنظره خايسه وانا متوهق .. جااااااااااااان اطلع المقسوم وعطيهاااااااااااااا ..
وربي وربي وربي مايمديها راحت ولا أخوهم وبنفس السيناريووووووو وبنفس الصرااخ والدعااااء ..

انا هنيييييييي وقفت وانا أمشي وقعدت ادعي على نفسي يوم لبست دشداشه ويووووم مشيت من بره الجامعه وكرررررررهت الساعه الي جيت فيهاااا ..

جااااااان اقوله الله يخلييييييك اللله يخلييييييييك روح والله مامعي والله ..<< صرت انا الشحاذ
ما بقااا الى اقوله روح جيب الفلوس الي عطيتهم خواتك ههههههههههههه
المشكله مااااراح والناااس اطااالع ومابقاا شي وووصل لباب .. جاااااااااااااان اصيح عليه والناس طالع تخيلوا شقلتله؟؟؟؟؟؟؟؟؟؟؟؟؟؟

قلتله أقسم بالله العظيم وبصياااااامي وعسالله لا يوفقنييييييييييييييييييييييييييي ماراح اعطيييييييييك لو شنن فااااااهم ولا لاااااا يالله امشيييييييييييييييييييي..

جان يسبني الملعوووووووون ويروووح .. الحين انا خربتهاااااااا وصرخت ,, والله اني غبي جاااااااان مخربها من زماااااااااااان وطنشت الشحاذات الي قبله .. ههههههههههههههههههه

والمهم دشيت وخلصت أوراقي وبسرعه لقيت خرده << اظاهر من كثر مادعوا البنات الشحاذات لي ..

هههههههههههه

وبالنهاااااايه هذي معاناتي اليوم وعسالله يصبرني على الأردن وبلاويهاااااااااااااا ..

وبشركم خلصت الاوراق بس للأسف الملحق الثقافي قاااالي تعال الأحد نعطيك الوصل وتروح تختمه من السفاره يعني القعده فيني فيني ..



تحياااتي لكم ,,

( التسجيل )


طبعا ً الواحد في الجامعه لازم يسجل مواد في أول الفصل ,, وللأسف انا أغبى واحد بهالموضوع :)

تسألوني ليش انا اقولكم ,,

طبعا ً من ايام دراستي الجامعيه وانا اسجل على الماشي يعني مفروض الي يسجل يتبع الخطه الدراسيه أو المجر شيت مال التخصص ,,

ههههههههههه

أنا لا أبداً ولا عمري شفت الخطه :) ,, الي اعرفه اني لازم اخلص 133 ساعه او وحده علشان اتخرج :) ,,

طبعا ً الف موقف حصلي ايام الجامعه ودايما ً وحدة القبول يردوني ههههههه يقولون الماده هذي تبي مسبق أو المربع الي انت مختار منه خلالالاص مالك شغل فيه خلصته أو أو أو ,, وانا شغلتي بس امسح وعدل مواد ,,

الحمدلله تخرجنا من الجامعه بعد معاناة مع المواد والتأخير ") .,

المشكله الحين في الماجستير :) ,, وبالأردن يعني مافي دلع :) ,, الله يعز الكويت يعني اذا ما سجلت خلالالاص انسى تعدل والمجموعه المغلقه مغلقه خلالالاص لا تناقش ..

طبعا ً عديت جم كورس بعد معاناة في الماجستير ,, بس المضحك هوو ماحصلي في الكورس هذا :) ,

سجلت في الانترنت المواد في موعدي المحدد ,, وطبعا ً كالعاده سجلت الي قدامي :) يعني وين الدكتور الزين الحقه :) ما افكر بأن الماده هذي تنزل مره كل سنه او أن الماده هذي أساسيه ,, << تفكير نمطي

ويمكن فيكم الي عارف جم ساعه اجتاز للتخرج ,, 33 ساعه ونتخرج على بركة الله ,,

وهذا ما يسمى في النظام الشامل يعني مثل البكالورويس مواد وختبارات وكذا ,,

المهم سجلت بالانترنت وانا بالكويت ,, وصلت الاردن قبل سبوع من الآن وقلت ليه ماروح أغير المواد :) يعني فاهم انا وراسي ,, قلت اغتنم الفرصه قبل انتهاء فترة السحب والأضافه ,, توكلت على الله ورحت ,

وصلت لوحدة القبول والتسجل في كلية الدراسات العليا وهذا احسن مبنى في الجامعه لآنه مافي زحمه يعني فاااضي تجي تسجل على كيفك وتمشي ,,

قلت حق الموظفه لو سمحتي بدي اسحب وضيف :) قالت تفضل قلت بدي اسحب هذي الماده وضيف هذي الماده ,, قالت لحظه ,,

قامت اطقطق بالكمبيوتر ,, جااااان تقولي هالماه مغلقه ,, قلت طيب شالحل ,, قالت ان روح احكي ويا رئيس القسم في كليتك يمكن يفتح المجموعه ألك ,, وانا بدي اعطيك وقت حر علشان تسحب وتظيف بالكمبيوتر ,, قلتلها الله يعطيج العافيه ,, وخيرتني أي يوم ابي الوقت ,, قلت ابي بكره الساعه 2 الظهر ,,
قالت اوكي خلاص سويتلك وقت حر ,, مشيت ,,

رحت حق رئيس القسم ,, البروفيسور موسى جبريل ,,

دخلت المكتب ,, طبعا ً لازم الواحد يسلم ,, قلتله السلام عليكم وكل عام وانت بخير يادكتور ,,

رد علي وقال شووو بدك :) هههههههههههههه

لا حول ولا قوة الا بالله من اولها انسدت نفسي ,, بغيت اطلع وقوله لا ابد سلامتك ,, هههه
بس قلت هي خاربه خاربه المهم قلتله دكتور بضيف ماده قال اي ماده قلت تعديل سلوك ,, قااال مغلقه وانسى الموضوع ,,

قلتله طيب شكرا ً ,

طلعت من المكتب ورحت للبيت :) ,, أنطر وقتي بالانترنت علشان اسحب وضيف ,, << للحين يفكر الاخ ,

ثاني يوم قعدت من النوم طبعا ً حاط منبه علشان لا يطوفني التسجيل ,,

توجهت للاب توب وبطلته ,, دخلت على موقع الجامعه وكتبت بياناتي ,, اللحين طلب مني الموقع اني اسحب وضيف ماده ,,

من غبااائي سحبت ماده قبل ما اشوف شنو المواد المتاحه :) ,, بعد ما سحبت الماده ,, قعدت ادور مواد ,,

ولا مافيه كله مغلق :) طبعا ً الماده تنغلق انا العدد تجاوز 20 طالب ,,

البطل توهق :) ,, المهم شيرت ماده من عندي وخذت رقم الماده وضفتها ,, حسبالي بالخطه عندي وعادي ,,

للأسف طلعت غبي والكمبيوتر اغبى ,,
لآنه ضافلي ماده مو بالخطه ولا يجوز لي أخذها :) طلعت ضااايف ماده دكتوراه :) ,,

انا للحين مادري شسالفه ,,

المهم رحت أبي اداوم ,,. وصلت الجامعه الساعه 3 الظهر متأخر لآن المحاضره تبدأ 3 ,,

نزلت من السياره مستعجل ,, دخلت الكليه ,, ادور القاعه ,,,

لقيت القاعه :) جااااااان ادرعم ,, ولا الدكتور يطالعني وأول مره اشوفه بحياتي ,, قالي نعم.؟

قلتله هذي مو مادة تأهيل مهني في التربيه الخاصه؟.

قالي ايوه ,, قلت انا مسجل ,, قالي تفضل ,,

دخلت بكل ثقه ,, بس بيني وبينكم استغربت الوضع ,,,,!!

لآن كل الموجودين كبر جدتي ههههههههههههههه

شياب وعجايز ,, انا قلت شسالفه؟,؟

صج وياي ناس شياب بالماجستير بس مو بهالدرجه :) ,,

المهم قعدت شوي ولااا ا الدكتور يقوول من فيكم جاهز للأطروحه وختار الموضوع ,؟

انا هني ايقنت اني بالمكان الخطأ ههههههههههههه

الاطروحه هذي لدكتوراه ,, والمشكله أن جميع الطلاب يطالعوني ومستغربين :) ,,

بقلبهم يقولون شهالورع الي داخل علينا هههههههههههههه,,

رفعت أيدي وسألت الدكتور ,, قلتله دكتور عندي سؤال ,.

قال تفضل يا استاذ ههههههه ,,

قلت هالماده هذي .,؟ دكتوراه؟.

قال اي يا ابني دكتوراه :) ,, هههههه انا هني تغير لون وجهي ,., ودي اقوله اني غلطان بس خفت لا يضحكون الطلبه :) ,,

المهم قعدت لآخر المحاضر ,, << يبي يستفيد الأخ يعني ,,

المهم قعدت نفس الكرسي مو فاهم شي ,, ولا كتبت شي ,,

بعد المحاضره قلت بصعد فوق حق رئيس القسم يمكن القاه :) ,,

وبالصدفه لقييييته ,,

هني انا قلت لازم اسوي مشكله :) علشان اطلع نفسي من المشكله الي انا فيها ,,

قلتله دكتور وحدة القبول والتسجيل ضايفين لي ماده دكتوراه :) قاااال شلون غلطانيين قلت شوف الجدول هاااك ,,

شاف الجدول جاان يقولي انت الي غلطان برقم الماده ,, قلت يادكتور انا ما غلطت ,, قالي طيب سهله راح اخليهم يسحبون الماده لك ,, واسجلك في ماده القياس النفسي ,, قلت يادكتور انا مابي مادة القياس ,,


قال شنو تبي ,, قلت ابي تعديل سلوك ,, قااال هذي مغلقه وانسى ,,

ههههههههههههههههههههههههه

قلت طيب انا شنو ذنبي بهالمشكله ,, وعطيته فلم طويل عريض :) << صار متزوج الاخ وعنده ولد مريض ,
هههههههههههههههههههه
قلتله يادكتور ولدي توه مولود ومريض ولازم اكون متواجد عنده ,, في بعضكم يسأل يقول شكوو ولدك مريض بالماده ,, انا اقولكم ,,

لآن المادتين الي انا مسجلهم يوم الأحد والاثنين ,, والماده الي ابيها تعديل سلوك يوم الثلاثاء ,,

يعني دوامي يصير أحد ثنين ثلاثاء , :) وباقي الايام أأأوف ,, المهم شرحتله الوضع ,, وبعد صراخ ولعنت مترس ,

قاااالي وقع هني ,, قلت ليش اوقع ,؟ قالي مابدك تعديل سلوك . قلت ايه قاالي وقع وكتب رقمك الجامعي ,

المهم سويت الي قالي عليه ,, وطلع من مكتبه ,, اثاريه ابن الحلال دش على العميد ووقع منه الطلب :) ,

وجاني عطاني الورقه وقالي بكره روح سجل تعديل سلوك :) هههههههههههههههههههههههه

شفتوا شلون كانت مستحيله وصارت سهله :) ,, سبحاااان الله العظيم ,,


ولما قلت لشباب ماصدقوا يقولون الماده مغلقه من الصيف وانت توك مسجل هههههههههه

وبكره ابي اصدمهم بالجدول ووريهم علشان يعرفون منو انا :) هههههههه << الله يخلي الحظ ,

وأخيرا ً هذي حالتي ويا المواد من 5 سنين كله دايخ وياها ,,



تحياتي ,,

( حقيقه )


بعد اجتياح الحزن نفسي ,, وبعد التفكير كثيرا ً ,, ومرور الذكريات المؤلمه ,,


وهذا كله بسبب دخولي لديواني بشكل يومي لآكتب لكم هنا ,,

عندما أرى قصيدتين كتبتهم في لحظه اشبه بالجحيم ,, كلما تذكرت هذه اللحظه ,,


وللأسف ضعف مني ,, مسحت القصيدتين ,, لأنني لا أريد رؤيتهم ,,, فقط اريد الاحتفاظ بهم في ادراجي ,,

نعم اعترف انني ضعيف ,,

(المجلات)

______________________|


الصراحه انصدم عندما اقرأ مجله مشهوره لشعر ,, وأرى أن هناك شعار مايستاهلون ويكتبون فيها ,,,


والمشكله قصايدهم تافها نفس وجيهم ,,, يعني كلالالام دون معنى ,,


في ذات يوم قرأت مجله وكان في هذا العدد لها ,, (عيد) لآنه كان اصدار عددها المتين اعتقد ,


ومسوين أحتفال لها وكل شاعر في هذه المجله مشارك ببيات اهداء للمجله ,,

الصراحه كثير من الشعراء انصدمت فيهم وسبه قصايدهم التافهه :) أأي تافهه ,,

وربي مجموعة ابيات تضحك القارئ ,,, وتصدم الناس بالمستوى الشعري الي صاير بهالوقت ,,



والحقيقه أن أكثر المجلات لما تدزلهم قصيدتك يطلبون صوره منك ,, هههههههههه

صدقني مو علشانك ,, يبي يشوفونك حلو ولا لا :) ههههههه علشان يجذبون العنصر النسائي ,,


لآن في الوقت هذا من مقومات الشاعر ,, الجمال أولاً والالقاء ثانيا ً ,, والشعر أخيرا ً .,


هذا كلالام واقعي ونشوفه بالصحف والمجلات ,,

يعني في شاعر الله يستر عليه بكل عدد حاطله صوره جديده ,, وياليت صور عاديه يعني.,.؟


لاااالاااا الاخ حسباله توم كروز ,, مره لابس جنز وبالطو ,, ومره لابس دشداشه اماراتيه وعمامه ,,

ومره شورت ههههههههههه ,,

أأي والله اني صاااج ,,

حتى عرضوا عليه مجلات للفاااااشن والستايل عليه عروض علشان ينزل صوره عندهم هههههههههههههههههههههههههههههههههههههههههههههههههه ههه



والله الي قاعد يصير مو معقول ,, يا شااعر أنت أسمك (شاعر )

يعني صاحب كلمه ,, وقاف ,, تريد ان توصل احساسك الى القراء وليس لتوصيل كشختك يامال شقوول ,,



يعني يا شاعر ما اعتبرت من الشعراء الي متمسكين بالعادات والتقاليد :) الي يصور بشماغ واحد لمدة خمس سنين هههههههههههههههههههههه

يا جماعه انا ما اقولكم خلوكم متحجرين ولا اقولكم افرطوهاااااا بالمره ,,


يعني خير الامور أوسطها ,,

حلق وكشخ بالغتره والعقال وروح صور ويااا شوية فلتر تضبط الامور الله يخليك لي ,,



مايحتاج تخلي المصور يلعب بشكلك ويضبط حواجبك ويخلي شفايفك ورديه :) ههههههههههههههههههههههههه



بكل أمانه انا لما اشوف بعض الصور بالمجلات ,, يطري علي المثل الي يقووول ,,


ياشين السرج على ................ يكرم القارئ



انا واثق تماما ً انت وين والد ياشاعر ووين ترعرعت :) بهجره بنص الخلاااااااااااااا


ولحين يامال ........... لآبسلي جنز ولوووو وست بعد :) ,, ومسوي كيرلي..


<< كلش ماسوى بالاردن


المهم خلونا بالاهم ,, اترك هالامور عنك ,,, وخلك مرسم على طوول ,, ولا تطلع من بيتكم ألااااا وطيرك على يدك ,, هههههههههه لالا امزح وياك ,,

يعني خلك انسان متواضع عن الفشخره الزايده ,,

وكل يوم طالعلي بمقااال تقول فيه ,, لما كنت بالندن ,, ولما كنت باريس ,, ولما كنت بفيينا ,,


هههههههههههههههههههههههههههههههههههههههههههههههههه

يخوي الله يعز الي يودونك ترا خابرينهم حنا ,, يعني شدعوه انت تدفع دينار علشان تروح؟.؟


كلك خوي ,

استريح بس ,,


وفي موضوع بعد ودي اقرق فيه ,,

الي هو اخلاق الشاعر ,,


للعلم الشعر يكون في الانسان 50% ,, والباقي للأخلاق

يعني شاعر بلا اخلاق ,, نفس الولاعه من غير غاز :) << والله اني فلته بالامثال ,


للأسف هناك شعار عشقت شعرهم للجنون ,, ولكن لما شفتهم في بعض البرامج كرهتم ,,


عندما تصبح شاااعرلاتنغر على الناس ,, ولا تنظر لهم نظره سفليه ,,


والله يذبحني أن في شعار يقولون للأسف حنا ولدنا في عصر مهو لنا ,,

شفيك يابو نواس.؟؟؟؟؟؟؟



لا تندمج يالحبيب ,, ترا انت شاعر وغيرك مليون شاعر ,,

انت تقول الجزل وغيرك يقول الشامخات ,,

يعني كل طير فوقه طير ,,,


في لقاء الصراحه لما قريته كرهت الشعر الي طلع هالشاعر ,,


عندما وجهوا له سؤال يقولون فيه ,,


من هم اصدقائك من الشعراء في الساحه ؟.

جوابه كان مافي ولا شاعر ,, لآن اصدقائي دفنوا تحت التراب ,,

انصدم الصحفي , , وسأله طيب منو هم الي اندفنوا ,,


كان يقول المتنبي ,, والنابغه الذبياني هههههههههههههههههههههه



يعني قمت الجنون ,, ياعمرو بن كلثوم هههههههههههههههههههه

انت وين ولي ذكرتهم وين ,,

انت حدك زقارة كنت :)



وبالنهايه ,,

ما عندي سوى اني اقول ,,


واااا على الساحه السلام ,



اعتذر عن الاخطاء الأملائيه ,, لآني منفعل في هذا المقال ,,

تحياتي,