داج الظلام انزاح .....والنور له ضـوح=نور الصباح مضيح .....والليـل زايـح
مالي هوى بمزاح .....والقلب ملـدوح=فكري من التلميح .....غـادن شلايـح
كنى على لفاح .....غصـن ٍ بلحلـوح=قاعه احزوم وشيح .....وارضه كلايـح
يا مشغل المرتاح .....بسك من النـوح=ورق ٍعلى التطويح .....ماهي شحايـح
يامن طربك انياح .....كدرت مجـروح=طرب ٍ وهو تفويح .....جوفـه جدايـح
صفقت راح براح .....لحت النحر لـوح=لوحة يتيما ً ليـح .....دمعـه سبايـح
ياقلب وطرك راح .....ماض ٍ له اقروح=اليوم بالتشبيـح .....مالـك صرايـح
يوم الدروب اسماح .....والدرب مفتوح=بديت في تفصيح .....قـول ٍ صحايـح
اخذت لي مشواح .....باسرار وفـروح=ركب الغرام مشيح .....هجنـه طفايـح
لي بالهوى ميلاح .....والهم مكسـوح=وموقع ٍ تصحيـح .....حـب الملايـح
قلبي كما الملواح .....بيديـن طـاروح=من كثـر التلـواح .....رزقـه توايـح
السد ما ينباح .....من غيـر سامـوح=واللي زرى بقريح .....خلـه يصايـح
يلومني من كاح .....شين اللغى كـوح=خل ٍ عطى تسنيح .....جـاك امتدايـح
تسلـي الارواح .....زاح الكـدر زوح=حب ٍ بـلا تبريـح .....مابـه بجايـح
لو الهوى ذباح .....له ميـل ورجـوح=ولا حد ٍ يعيش مريح .....والعمر رايح
واليوم لي مصفاح .....عن ورد وسروح=الجهل هو تلقيح .....غـرس القبايـح
يوم اموقر لاح .....أنـا ويـن أبـروح=بديـت بالتصليـح .....والله يبـايـح
كيف الحال ياصاح .....في عذلة الروح=شف لي هدف ياشيح .....ذرب النصايح
ماكتب بالالـواح .....ماهـو ممسـوح=اليوم هو توضيح .....عطب الجرايـح
من عاش بالافراح .....لا بد من نـوح=ساس البلا تسليح .....خطـر اللوايـح
والعقل هو مفتاح .....بيبـان مصلـوح=وينزحك تنزيح .....عـن كـل سايـح
عن ربعة السفاح .....يالقلب منصـوح=لاتتبعـه وطيـح .....مابـه ربـايـح
مثلك اليا من طاح .....خـلاه مسـدوح=اترك ردي الكيـح .....زيـن السنايـح
زين الرفيق اشناح .....بالطيب له نوح=من ورد عين السيح .....عاف الضحايح
نفسه على الامداح .....قد شاحها شوح=ذكرى مع اهل الفيح .....وأهل البرايـح
خله وراك سناح .....عن كـل كاثـوح=ينجحـك تنيـح .....رجـل المـدايـح
كانه بكرب اشباح .....للضـد ذرنـوح=صميدعن زحزيح .....عطب الجرايـح
اليا عدى المياح .....في جانب الصوح=كان الروى تنشيـح .....للدلـو مايـح
كسب الفخر بكفاح .....وأن طرد الفوح=خيالة التصفيـح .....راحـوا قمايـح
من جاكر الارياح .....والغزل منطـوح=غلبت هبوب الريح .....في ضرب لايح
ترا القشر فضاح .....راعيه مفضـوح=جعله معه تسريح .....لاقصى التنايـح
دايم وهو نباح .....والجيـب مسـروح=ثوبه من التطبيح .....غـادن سرايـح
لا تستوى قداح .....لو كـان بمـزوح=مافيه هبت ريح .....مـزح الفضايـح
من للملا جـراح .....لا بـد مجـروح=جلده من التجريح .....غـادن صفايـح
وأحذر من اللحاح .....تـراه مشفـوح=لو كثر التسبيح .....مـا مـن فلايـح
ناس ٍ بثوب اصحاح .....والفعل مكبوح=تنهى عن التوكيح .....وهـي الوكايـح