لاباس ياقلب ٍ همومه تلامسه = بيدينها في كل ليل ٍ تخامسه
مايتركنه يوم واحد من الشهر = ولهن عليه إليا إنتحى الليل رامسه
وروح ٍ بنيران المحبة تحرقت = عليها الغرام مصولباتٍ محامسه
وعين ٍ ليا جا القلب يدله تذكره =عنودٍ تجدد مادرس من روامسه
ليا عرضت خطوا هنوف ٍ مخفره = حورية التوصيف بالزين طامسه
تجر ذعذاع الهوى في شليلها =كما وردة ٍ في مدرج السيل غامسه
في فيضة ٍ ريح البختري عطورها= ممطورة ٍ مثل أمس واليوم شامسه
ماطب فيها ألا بعض شرد المها = والطير توحي في طرفها هوامسه
فلا عاد أجيد السالفة مع منادمي = كن النهار بعيني الليل دامسه
ياوصل ٍ شاعر هوازن تعلمه = عن حالي اللي واهج الحب حامسه
ناده بصوت ٍ شاهر ٍ لين ينتبه = وقله رفيقك مخلب الهم لامسه
وأنا خابره كل الصعايب يرومها = على النوز ماتخط الضرايب نيامسه
تكفا يابو نواف روحي تعلقت = في واحد ٍ عنها الرجا الياس طامسه
وأخر ماأقوله لك ترى قلبي إحترق = كما لمبة ٍ فيها السلوك متلامسه
من واحد ماهوب ياوي ليا كوى = كوى القلب بأربع وألحق الكبد خامسه

عبدالله بن عون الرويس العتيبي

المشاركة الأصلية كتبت بواسطة آلنآيفهـ سآمي .. لاهنت ع النقل و صح لسآن شآعرها !

المشاركة الأصلية كتبت بواسطة عطر الروح ساامي صح لسان شاعرها وسلمت يمينك على النقل والإختيار

المشاركة الأصلية كتبت بواسطة سعود القوبع لاهنت ياسامي على النقل

المشاركة الأصلية كتبت بواسطة محمد عبدالله الشمراني ياوصـل ٍ شاعـر هـوازن تعلمـه عن حالي اللي واهج الحب حامسـه ناده بصـوت ٍ شاهـر ٍ ليـن ينتبـه وقله رفيقك مخلـب الهـم لامسـه وأنا خابره كل الصعايـب يرومهـا على النوز ماتخط الضرايب نيامسـه صح الله لسآن شآعرها ولا هنت يا سآمي بيض الله وجهك