رقمك نسيته والسبب هو تغليك=وبكره مع الايام بنسى غلاتك
لا تلومني لو قلت ناوي أخليك=هذي عمايل يدك هذي سواتك
اوفيت في حقك ودايم أداريك=حتى همومك شلتها من حياتك
ماخنت حبك صاين الحب شاريك=حلفت ماخونك ولو في مماتك
المشكله اني جيت كلي وباقيك=والأعظم اني مدهر في حلاتك
سود الجدايل مسك يازين كاسيك=والتوت نابع يالغلا من شفاتك
تذبحني الضحكه ورمشك وعينيك=حتى الغنج لا من طقى وشوشاتك
لكن خساره يجتمع هالحلا فيك=ماينفعك حسنك خسارتك صفاتك
انا عزيز النفس صعبه اجاريك=يوسف انا يا........ ماني عباتك
تبعد عليك اصير خاتم بياديك=حتى ولو روحي هجرتني وجاتك
غلطه زماني يوم جيتك وناصيك=وثرك اناني طبع وتحب ذاتك
لا تلومني لو قلت برحل أخليك=هذي عمايل يدك هذي سواتك