سآهـم بقلبـي وأتـرك السـوق كلـه = وعهد(ن) علي إنـي لأخليـك هامـور
في كل شوفـه أزيـد سهمـك وأتلـه = وأطفي سهوم الغير وأهدم لهـا سـور
لكـنّ تكفـى خـل قلـبـي محـلـه = وتعال يمي وأتـرك الهجـر مهجـور
ماشفـت عينـي زارهـا ألـف علـه = من يوم طال البعـد وأمسيـت مقهـور
ومآشفت حالـي يابعـد كـل مـن لـه = يجني عليـه الشـوق وأقـول معـذور
ويخطـي عليـه ألهـم وأقول زلـه = ويبعـد فـرح دنيـاي أيـام وشهـور
ويقلبني الهاجوس مثل المجله = صفحاتها هم وعنا وحظ معثور
وللجـرح ياجرحـي ثمانـيـن مـلـه = كل يوم له ملـه وكـل يـوم لـه دور
يوم(ن) يعقـد القلـب ويرجـع يحلـه = ويوم(ن) ينادي الدمع ويجيـك منثـور
ويوم(ن) يهـد الحـال ويومـن يسلـه = ويوم(ن) يخلي خاطري شبـه مجبـور
سوال هـمـي أنــت أدرى بحـلـه = حتى لجرح قلبي ترى صـرت دكتـور
اللي يحبـك صـرت لـه مثـل ظلـه = أصبحت له قلبن شكا نبضه الجور
ما دمت تعرف درب قلبي وتدله = وشلون تترك لي من الحزن دستور
تعال وأبني لك من القاف فله = ينبت بها يا غايتي ورد وزهوور
تعال يمي والهجر لا تعله = وابشر بحبٍ يمطر أحساس وشعور

المشاركة الأصلية كتبت بواسطة سهوم المنايا وللجرح ياجرحـي ثمانيـن ملـه كل يوم له مله وكل يـوم لـه دور / / الشمراني صح لسانك الف وطابع خاص وروعه وجزاله . . بالتوفيق يالغالي . .

المشاركة الأصلية كتبت بواسطة يوسف الشاطري الشمراني ,, صح السانك ,, وأنتظر الايجازه ,, واتمنى انك دققت في رسالتي ,, تحياتي ,,