يـــا صـغـيـر لا تضيـعـنـي بـنـظـرات الــبــراءة=وانـت مـا تعـرف مـدى تأثيـر نظراتـك بحـالـي
آه يا لبيه .. يا بشويش .. يـا هـدي الاضـاءة=للجـفـول الـلـي مــن جفـالـه يجفلـنـي ظـلالــي
فـز بسـم الله علـيـك مــن المـضـرة لـلأسـاءة=وارقد آمن في عيوني واسهر آمن في خيالي
يـا صغيـر والـذكـي مثـلـي الـيـا خـانـه ذكــاءه=مـا لـه الا يعشـقـك ويصـيـر لعيـونـك شمـالـي
قم فديتك وانت حر مـن الـف بـاءه ليـن يـاءه=ما عطاك الا الله اسـرف واستبيـح ولا تمالـي
سو مـا يرضـي غـرورك وأد مـا تهـوى أداءه=الحشا لك بيت حاتـم وانـت غالـي عنـد غالـي
قم تمخطر في الحشا وانسى الكتابة والقراءة=وحـل واجـب شاعـر مـا حلـتـه ســود الليـالـي
وعلمـه وشلـون تتعـدى علـى خــط اسـتـواءه=وعلمه وشلون كيف وهل يضيعـون الرجالـي
وكيف يجني خلف سور الجامعة ذنب الكفـاءة=سـاعـة نــادى ابلـيـس وقـالـه مـالـك ومـالــي
وانت يشفع لك صغر سنـك ونظـرات البـراءة=بـري حالـي كـل مـا لـديـت يـمـي بــري حـالـي
.:: إعلانات الموقع ::. 
يا صغير 
العرض العادي
