يالله يالي كل الأمات ترجــيك=ياواحدٍ ماخاب حيٍ ترجـــــــــاك
يارب عبدٍ مامشى في معاصيك=ولا يمشــــــي الا في محبتك ورضاك
يا مرقبٍ بالصبح ضليت اباديك =ما واحدٍ قبلي خبرته تــــــــعلاك
وليت يا ذا الدهر ما اكثر بلاويك =الله يزودنا الســـــــلامه من اتلاك
يللي على العربان عمت شكاويك =وليت يا دهر الخطا ولــــــ مقواك
واليوم هالكانون غادي شبابيك =تلعب به الارياح من كل شـــباك
يا مالك اسمع جابتي يوم اوصيك =واعرف ترى يا بوك بامرك وانهاك
وصية من والدٍ طـــــــــــامعٍ فيك =تسبق على الساقه لسانه لعلياك
اوصيك بالتقوى عسى الله يهديك =لها وتدركهــــــــا بتوفيق مولاك
الله بحق اجـــــــدادك الغر يعطيك =رضاه مع كل ما تمنى من امناك
احفظ دبشك اللي عن الناس مغنيك =اللي ليا بان الخلل فيك يرفاك
واعرف ترى مكه ولاها بناخــــيك =لو تطلبه خمسة دواوين ما اعطاك
اجعل دروب المرجلة من معانيك =وادراج سيّسها على العز مرقاك
لا تنسدح عنها وتبغيني اعطيك =جميع ما يكفيك ما حاصل ذاك
احذر امر ليعاتٍ تبيها لــــــتاليك =ايضًا ويرخص عندها قدر مأواك
ادب ولدك ان كان تبغيه يشفـــيك =واستسعفه من بعد مرباه يالاك
اما سمج واستسمجك عند شانيك =ويفر من فعله صديقك وشرواك
والا بعد جهله ترا هو بياذيـــــــك =لو زعلـــــــــت امه لا تخليه يالاك
واحذر تضيع كل من هو ذخر فيك =معروفه لا تنساه واوفه لعرفاك
ترا الصنايع بين الاجواد تشـــريك =الـــــــى طمعت بركزها لا تعداك
واحذر سرور بغبــــة البحر يرميك =ولا عنده افلس من تشكيك وبكاك
واوف الرجال حقوقها قبل تعنيك =لا تعتمد بالعفو فالـــــــحق يقفاك
وهرج النميمه والقفا لا يجي فيك =واياك وعرض الغافل اياي واياك
تبدي حديـــــثٍ للملا فيه تشكيك =وتهيم عند الناس بالكذب واشراك
واذا نويت احـــــــذر تعلم بطاريك =كم واحدٍ تبغي به العرف واغواك
واحذر شماتة صاحبٍ لك مصافيك =والى جرا لك جــــــاريٍ قال لولاك
ولا تحسب ان الله قطوع يخلـــيك =ولا تفرح ان اللـــه على الخلق بداك
ان اشتهى حط الطمع في تواليك =لو ما لقـــــيته يا فتى الجود يلقاك
والضيف قدوم له حين يلفيك =مما تنوشـــه يا فتى الجود يمناك
اكرم قباله فانها من شـــــــواديك =وابذل له المجهود مــــا دام يعناك
واحذر تلاقي الضيف مقرن علابيك =خله محبٍ لك صديقٍ اذا جـــــــــاك
واوصيك زلات الصديق ان عثا فيك =ما دام يغطاها الشعر فاحتمل ذاك
راعـــــــه ولو ما شفت انه يراعيك =عساك تكسر نيتــــــه عن معاداك
واحذر عدوك لـــــو ظهر بيصافيك =خلك نبيه وراقبـــــــه وين ما جاك
لا تامنه فاطلب من اللـــــــه ينجيك =ويكفيك ربك شـــــــر ذولا وذولاك
شفني انا يا بوك بآ مرك وانهيك =عن التعرض بين الاثـــــــنين حذراك
اذا حضرت طلايــــــب مع شرابيك =اسع لهم بالصلح والـــــــلاش يفداك
ابـــــــذل لهم بالطيب ربك ينجيك =ولا تجضع المــــــيزان مع ذا ولا ذاك
اما الشهادة ادهـــا ان دعوا فيك =بيّن عــــــــمود الدين لا عميت ارياك
بالك تماشي واحــــدٍ لك يرديك =طالع بني جنسك وفكــر بمـــــمشاك
رابع اصيلٍ في زمانك يشاكيك =والى شاف خملاتك عــن الناس غطاك
واحذرك عن طرد المقفّي حذاريك =عليك بالمقبل وخـــــــل من تعداك
ثم العن الشيطان ليــــّــاه يغويك =ترا ان تبعته للشرابــــــــــيك وداك
واوصيك لا تشتكي علينا بــــــلاويك =انت السبب اخذك عيونك بيمناك
واعرف ترا اللي من وطا الفعر واطيك =ولا انت اعز من الجماعة هذولاك
المسك يا راسي عن الذل واخطيك =واحذر تكــــــلم يا لساني حذاراك
والطف بجارك ثم قم دون عانـــيك =وافطن الما يعنيك عن ربعة اخواك
يا ذيب وان جتك الغنم في مفاليك =فاكــــمن الى حيث الرعايا تعداك
من اولٍ يا ذيـــــــب تفرس بياديك =واليوم جــــا ذيبٍ عن الفرس عداك
يا ذيب عاهدني واعاهدك ما رميك =ما رميك انا يا ذيب لو زان مرماك
والنفس خالـــــف رايها قبل ترميك =ترا لها الشيـــطان يرمي بالاهلاك
ومن بعد ذا لا تصحب النذل يعديك =وعن صحبة الانذال حاشاك حاشاك
والهقوة انك ما تجي دون اهاليك =ولا اظن عــــود الورد يثمر بتنباك
والحر مثلك يستحي يصحب الديك =وان صاحبه عاعا معاعات الادياك
لا تستمع قـــول الطرف يوم يلفيك =بالكذب يقضي حاجته كل ما جاك
من نم لك نم بك ولا فيــــه تشكيك =ويـــــــلاه قد ازرا رفيقك وازراك
عندك حكا فينا وعندي حكا فيك =واصبحت كارهنا وحـــنا كرهناك
ما اخطاك ما صابك ولو كان راميك =واللي يصيبك لو تتقيت ما اخطاك
مير استمع مني عسى الله يـهديك =النصح يا مالك لك الله مــــــــولاك
عندي مظنه ما تمثـــــــــلتها فيك =واطلب لك التوفيق من عند مـولاك

وسلامتكم