مانام ليلي ياهلي كود مهموم=ولاشفت راحة ياهلي في منامي
لامرني طيف الغلا آفز وقوم=وارسل رسالة يم غاية مرامي
اطمنه بحالي ولو كنت محروم=وخبره بالحيل حالي تمامي
اضحك وانا في داخلي حيل مكتوم=وكن عبراتي وكلي حطامي
مثل السجين الي بالاعدام محكوم=يبغا الفرج ويصيح قبل الاعدامي
الحال ضاقت وصبح الصبر محتوم=الله يسهلها بخير وسلامي
غربه وتبغى ياهلي رجال وقروم=منهو بغى العليا يشد الحزامي
العلم مايبغى مخابيل ورخوم=ولاينفع الجاهل قليل الفهامي
العلم فارس بين ربعه وزيزوم=ولا مثل شيخٍ كثير الصيامي
الرجل دون العلم ضايع ومهزوم=يعني على ماقيل دون المقامي
وكلتها بالله لا غيره يدوم=منهو توكل فيه أبد مايضامي
وختامها مشتاق والقلب مهموم=مالي سوى شوف الغلا في منامي