ياما على شانك تحملت الآهات =وياما على شانك سنيني هجتني
ياما تحملت العتب والملامات=وياما تحملت العنا والتجني
ياما كتبت احلى القصص والروايات=وياما قصيدي فيك ابد ماخذلني
حبك سكن فيني وكون علاقات=كون علاقة وصبح قريب مني
ماتبعدك عني دروب ومسافات=ولاتبعدك سود المقادير عني
ماظنتي بنسى انا كل مافات=ولاظنتي بنسى غلا الي فتني
فيك الوصوف النادرة والخيالات=فيك الوصوف الي بقصيدي ألهمتني
ادعج غنج سود العيون الوسيعات=كامل وصايف ياهلي صغير سني
هذا صحيح الوصف ماهي خرافات=هذي وصايف ياهلي الي ذبحني
بصيح انا وجر لزين جرات=بلعب على المسحوب وجر فني
خلوه يقرا بالصحف والمجلات=خلوه يقرا يمكن انه يحني
أدري تزوج.. لكن الحب مامات=مامات حب ٍ طول عمره سكني
.:: إعلانات الموقع ::. 
.gif){kind=icon}
,, علـى شانكــ ,, 
العرض العادي
