هذه القصيده للشاعر / مزيد بن فلاح بن رضيّه الهاجري في الشيخ /سلطان بن ناصر الشغار

انا من هجر ياسلطان خصيتك من الشيخان
ونصيتك وانت شيخاً في علاوي نجد وهضابه
وتحملنا المسافه والمخاطر وانت ياسلطان
تقدّر عنوة الشاعر ومدحه فيك ماخابه
سمعت بسمعتك في مجلس السبعان والعجمان
و جذبني طيبك اللي مع قبايل نجد يحكابه
ومدامك شيخ قوماً بارزاً بيتك مثل برزان
ينادي للطراقي من بعيد وفاتحن بابه
نويت اهديك جزلاتً عليهن خاطري سهران
وانا ما اقول جزلاً كود في شرواك يزهابه
ويشرفني ليامني مدحتك والعرب حسدان
ولا عاد اكبر من اخوان النبي يوسف وماصابه
رموه من الحسد في بوسط بيرٍ مظلماً عريان
ولفو يعقوب من عقب العصير وجابو ثيابه
عليهن دم كذب وقالو أكله فالخلا سرحان
ولاكنّ الله عطاه الملك لعقوب النبي جابه
وجزيل المدح في حضرتك ياسلطان له برهان
وانا فصل الخطاء أعرف نياشينه ومضرابه
كريم وتفتخر بك جملة العتبان ياكحيلان
مثل ماتفتخر طي بكرم حاتم مع أجنابه
فنكان الحاتمي في طي فانت اليوم فالعتبان
وخذت وسام مرقا المجد حتى قمت ترقابه
تهوم الكايدات وبك حلايا مثل أبو سفيان
طموحك يدفعك للمرقب اللي فوق مرقابه
عشقت المرجله واهي أعشقت وجتك دون عنان
واخذتوها على وضح النقى ماجتك بنهابه
مهرها فزعتك فالموجبات وتكرم الضيفان
وكريم الخلق محبوباً مع الاجناب واقرابه
واشبهها بعليا وانت ابو زيد بزماناً كان
وغدلك مشلحٍ بين الرجال وثوب وعصابه
قضبت المرجله من راسها والجمتها برسان
وغدتلك مهرتاً والطيب تغزيله وتجتابه
ويفوز بطيبات المدح من مثلك احصان احصان
وعلى ماقيل في ضرب المثل للخيل ركّابه
مدحتك وان مدحتك فانت ممدوحاً مع العربان
درينابك وغيرك كم شيخاً مادرينابه
يومنك بالكرم تشبه لبو خوذه من الجربان
تسمى يابو خوذه واثبت التاريخ وكتابه
كريم وللرجال تقلّط الحشوان والخرفان
ولا غيرك كريماً في زمان اليوم يحكابه
طلعت المطلع اللي مع قبايل نجد ذكره بان
وعلى موجب فعولك صارلك مركاً تركابه
وثبتلك مرسماً في ساحة أهل المجد له عنوان
يظل المستظل ومن تذرابه تذرابه
وطلوعك من ورا روس النوازي يشقر الجنحان
ولك مضراب كفً يشبع القناص مضرابه
قطوعاً صيرمياً وافياً صيده يجيب اسمان
ولك مشعال جوداً في ظلام الليل يسرابه
مدام الله جعلني شاعراً مبدع بها الزمان
وجعلك الله كريماً من تعزوابه تعزوابه
جعلت المدح في حضرة جنابك يثقل الميزان
ولا خير بقصيداً ما يبيض وجه لعّابه
صحيح الرزق عند الله لاكن الدين خمس اركان
نصر عبده بأهل يثرب وعز الدين وكتابه
وانا من نصرك ابغى النصر والنصره من الايمان
تركت شيوخ نجد وجيت يمك واعرف الجابه
وعليك اسوق جاه أهل الوفا سلطان مع سلمان
عيال اللي حكم كل الجزيره واتعب ركابه
سلاطين الملوك اللي لهم عند القبايل شان
وكريمين اليدين ومزهب اللي خلي مزهابه
وعليك اسوق جاه اخوان نوره والبيوت سمان
وابا اقول لك تكفى وانت علم الطيب يلقابه
نبي فزعة وفا تهرج مع العدوان والصدقان
وعلى ماقيل فعل الطيب يحكابه ويدرابه
ارجو ان تنال اعجابكم [/poem]

اختي ريم صح الله السان راعيه واشكرج على النقل


تقبلي مروري



اخوج




عمربن عجرف الشمري

ريم



صح لسان شاعرها



وسلمت يمينج على النقل

شكرلكم وانتظروالمزيد