بسم الله الرحمن والقاف مرصود

للي يناقشنا وأسمّيه نمرود

لويعرض ويصمت غلا مثله يزود

لكن لفى يشطح وينطح فجدران







يامرحبا بك رحب ماهو قليلي

ثلثتها واجمع جميع الحصيلي

حسبي على المولى ونعم الوكيلي

دامك سوات الشيخ وحروفك أعيان







وأنا على رأي وتصانيف ما جوز

واليا رميت الله يعوّض على النوز

والله يعينك توجد الحل فرموز

وان تمّت اتفكّر وحدّد لنا أركان








افطن لمطلع ماتحرّكه الأنسام

والطيب يكتب مجدنا طول الأيام

وأكبر فخر سنة محمد والاسلام

ربك كريم ويكرم الساق بأغصان








ماجيت قدم المكرفونات بفلوس

ماقلتها ضحك وتهاويل وهجوس

أعيدها وأكحل نظر كل منحوس

وأربّيَ أجيال الشعر طول الأزمان









وأنت بهذا العلم لاشك داري

بعد الثلاثة جبت للكذب طاري

وأعرف ترى المسكين ماهو بساري

اليا صدف سيف ً وحده في الأمتان








يوم البعير أقفى عن الكون كله

همّه على زاده ودربه يدله

ومضيّف الرحمن محد ٍ يمله

اليا نسى نخبر جميله بعرفان








جات الهديّة من شهيرين الأفعال

من بعد سير ٍ يطوي دروب وأميال

وبفكر مايوصف ولا جاله أمثال

عوّد على جسر الظفر مثل ماكان







هيا التفت واعرف حقيقة روابعك

بعد احتميت وبيّن الله دافعك

شدّ المتاع وياعسى الله يقلعك

منت بفالح لو يقولون فنان








ماأظن تقسيم الوتر يشبه البوص

ياللي تَوالي ماتقدّمه منقوص

جاك الملف الكامل بشكل مخصوص

تقرير لأجل نعود للماضيَ الآن









عام احدعش ماأنساه والوقت دوّار

قدام يرحل موطن المجد تذكار

ياللي تدق الزير ويصيبك الزار

الحرف رامي والطواريق نيشان









يوم أنت بادي تو منتَ مغني

اسيوفنا يخضع لها انس ٍ وجني

واصحك تشكك واسمع العلم مني

ماهو بسحر وزوبعة وسط فنجان










سحر البيان أبلغ وحكمه اباحه

نور ً سطع والذوق يعشق صباحه

رجل ستر قافه ومطفوق أباحه

بعد اختبرناهم بدى علم مابان










واليوم بعد ان الحكي زاد قدرك

ودك تصلح مير مهدود جدرك

والرعب من حولك والأقدار حدرك

والطير حلق للسما وأنت حيران









دونك صناديد الحجاز بعددها

قوم الشعر والمرجلة نعتمدها

ماهم فحاجة ناس تهجر بلدها

والأعجمي ماله وطن بين الأوطان








وشبك قنعت من الصفوف العريضة

ياللي تسنّن ماركعت الفريضة

العب وخذ عايض فصفك وعيضة

يامليّم الأضداد وش جاك وش كان









ياما ركزنا للبيان البيارق

من دون لجنة نترك ألفين فارق

نملك عنان الشعر والفكر طارق


مدح ورثا ووصوف وعتاب وأحزان









انشد طلول أيّامنا الجاهليّة

وتجاوب الهذلان شعر وحميّة

ولهم بسم كل القصايد تحيّة

يوم الغرير نسّفهه دون قيفان









سرّ البلاغة عندنا بالمقاسي

والنا عظيم الفضل والجهد أساسي

ونقضّ بالمعنى شموخ الرواسي

والشعر يفخر لو تغنيه هذلان








واليا نوينا السبك للشعر رايد

ماهو صعيب ولانسمّيه كايد

ونفصّحه ونرصعّه بالفرايد

ونوفي ّ ابداعه بلا رمح واسنان









ننظم طناخة وان حميناه ينصان

ماهو ضروري تفهم العلم وش كان

يامفسّرينه ودّكم نحلف أيمان

الظلْ الأبعد حلها دون نكران











في كل يوم نضيف للشعر ديوان

في كل ساعة نهدم احصون عدوان

في كل لحظة نحترم عقل الانسان

والرابح اللي بالحكَم صمت ولسان











لابد ما نقنع بمسك الختامي


حكم ٍ رشيد ونايف الفكر سامي

قلت المفيد وجمّل الله كلامي

والمقبل أروع لامضرّه ولا أضرار





للهاشمي ّ أزكى صلاه وسلامي

والله يوّفقنا فشهر الصيامي

من قبل أغادر هرجك ابلا نظامي

قدام نطقي كل ماتنظم أصفار 0000








.................................................. .........
.................................................. ........

انشد طلول أيّامنا الجاهليّة

وتجاوب الهذلان شعر وحميّة

ولهم بسم كل القصايد تحيّة

يوم الغرير نسّفهه دون قيفان


والنعم ألف ..

وصح الله لسانك ولا هنت

يالـقـرم ..

بارك الله بك , شكراً أخي الكريم

صح لسانك يابن العم

الدهر يومين


ماعليك زود وكل عام وأنتم بخير .


محمد الشمري

صح بدنك يالقرم .



ريم

الله يعافيك يشرفني مرورك .

سهوم المنايا

مرورك من دواعي فرحي وسروري وبارك الله فيك .

أبو عتيق

حياك الله

ارحبوو مليون ترحيبة .

شاعر ’,,

صح السانك ولاهنت ,




تحياتي,,,