رسمت احزاني بلوحـه ولكـن مالهـا عنـوان=بديت ارسم بداية عمر حتى أخر شهـوره
بديت ارسم دموع أنسان تذارف من بقايا انسان=بديت الون اللوحه بريشـه قهـر مكسوره
رسمت اللوحه وصارت بلا معنى ولا الوان=أحس انها مثل وجه المرايا بدون بلوره
نهيت اللوحه وصارت بمتحف اسمه الأحـزان=وصار الكل يتسأئل ويسأل كيف هالصـوره!
بديت بشرح هالصوره بأسم العالي الرحمن=واشوف الكل انا ساكت ولأاحد يخلف بدوره
انا مشعل ترى اسمي ومشعل صار بالنسيان=وذاق من الزمن قهره وكل حزنه مع جوره
صغير وعشت في دنيا أبد مايوم أنا فرحان=أشوف الناس من حولي جميع الناس مسروره
وأسئل نفسي بنفسي(ياخي)ليه انا حزنان=وليه الناس فرحانه وحزني دوم بحضوره
تعبت من القهروالخوف ومن صمتي مع الكتمان=تعبت أكتم زمن قاسي وشقا في نفس مقهوره
تعبت ألمع اللوحه فهالدنيا وأنا الخسران=تعبت أشوف أنا غصني يطيح وطاح عصفوره
تعبت ابكي على ناسٍ بهالدنيا بلاوجدان=تعبت أقول للدنيا (على دمعاتي)مشكوره
تعبت أكذب على (فقري) أمثل اني السلطان=وانا ساكن بهالدنيا بغرفه لحالي مهجوره
اعاني من حزن يومي أعاني من شقى الأزمان=أدور للفرج مفتاح ضاع وزاد ت كسوره
أحاول أشرح اللوحه بعدها يمكن الغفران=يمكن بعد هالوحه ألم أفراح منثوره