الوقت وافي وانت وافي مع الوقت=بيضت وجهك مع زمانك يا وااااافي
يابن الأوادم شاااب وقتي ولا شبت=شفني على كثر الهموم متعافي
لاتحسب اني بأنكسر لك ليا غبت.!!=ياسع جمل باب الوصل والتجافي
لاضاق لي من غيبتك بال ولا صحت=ولابحت لن اصلن ولا شي خافي
ان جيت عادي وايه عادي اذا غبت=يعني على ماقيل : مامن خلافي
انا زماني ناذر اني ليا طحت=يذبح لربعي في عزاي العجافي
بقول حاجه وانت كيفك ليارحت=خذها نصيحه ترجمتها القوافي
الحب ماهو تسليه لاتفرغت=لاراااق لك كيفن من الهم صاااافي
حاسب ضميرك في كلامك ليا بحت=بعض القلوب ارهاف تصدق وتافي
وش مكسبك بالحب لامن تكسبت؟=وش ذنب سهرانن بحبك ياغافي؟؟
لاصار ماذقت الجفى ولاتجرحت=لا تجرح قلوبن ولا تصير جافي
خله ليا مديت كفك ولوحت=بفراقهم قالو فراق السنااااااافي
الدنيا دواره ليابعت ......... انبعت=كلن بياخذ ماعطا بأنتصافي
اذخر حبيب اليوم باكر لياطحت=تلقاه في حر الزمن ظل دافي
واللي يروح ان راح عنك فلا ضعت=من ودع ابلا ذنب قل له عوااااافي