انا في ضامري هما بوزن جيال تقل بحور =
ا هدي روحي ولكن عيوني كيف اصبرها=
يلوم الما عرف عني وحقه ما عرف معذور=
طويل الليل كم هملت عيوني من مشاكلها=
طموحي بعد ما كنت مثل ريم الفلا مذعور=
هلا االي كان ماضيها تعال وشوف حاضرها=
بعد ما تعبر الطسه بلا رجات او عثور=
اصبحت ياخوي خرده وذرات تراب تعثرها =
بعد ما تقطع طوال دروب وما فيها اي قصور =
اصبحت لو سابقتها الشاة اليوم تسبقها =
بعد ما كان لا يتها يضوي ليلها بالنور =
عمت ما عاد ترشدني وجيب من يدبرها=
محركها يصرف دهن مغيرها دائما محشور =
مقودها يعاندني يتعبني ان ردت اداورها=
مؤشر كيجها عاطل باستمرار وجامها مفطور =
دخان بعادمها ان ثارت شوارعها يعطرها=
ثقل شايب كبير السن يتوكز على باكور=
وبيدو سكاره ملفوفه دخانها يمنع ناظرها=
رديت واشوف داخلها وجدت المقعدهم مفعور =
خياس وكسر بالشاصي تلعب فيه صراصرها =
مسجلها يوش عالي وبعد دشبولها منثور =
سلفها ما يدير الا افزع من يدفعها=
اسف عليها ويا حسره واقفه بالدور =
ورحلو ربعي ونصحوني لزوم اعمرها=
طاوعتهم وذهبت لبغداد وما فاد وعلى مخمور=
صفن ونظر بيها الصانع و احتار فيترها=
غدت كانها بعرور في بعرور في بعرور=
كسيره ما وجدت فيتر يصلحها يجبرها=
وذهبت للمعرض ولا احد نظرها وصرت انا المجبور=
اعاني منها واصبر وفي كبدي سعايرها=
ومثل ما قالهاناصر غدت كالمنزل المهجور=
ولكن حلها عندي افخخها وافجرها=
وتمر دهور وتصدر سواليف وتعيش عصور=
وتحكي قصة سيارتي من اولها لاخرها=