الوقت وافي وانت وافي مع الوقت=بيضت وجهك مع زمانك يا وااااافي
يابن الأوادم شاااب وقتي ولا شبت=شفنــي على كثر الهموم متعـــافي
لاتحسب اني بأنكسر لك ليا غبت.!!=ياســع جمل باب الوصــل والتجافي
ان جيت عادي وايه عــادي اذا غبت=يعني على ماقيل : مامــن خلافــي
انــا زمــاني نــاذر اني لــيا طــحت=يذبح لربعي في عــزاي العجــافي
بقول حــاجه وانت كــيفــك ليارحت=خذها نــصيحه ترجــمتها الــقوافي
الحــب ماهــو تــسليــه لاتــفرغـت=لاراااق لك كيفن من الهم صاااافي
حاسب ضميرك في كلامك ليا بحت=بعض القلوب ارهاف تصدق وتافي
وش مكسبك بالحب لامن تكسبت؟=وش ذنب سهرانن بحبك ياغافي؟؟
لاصار ماذقــت الجفــى ولاتجرحت=لا تجــرح قلوبن ولا تصــير جــافــي
خــله ليــا مديــت كــفــك ولــوحــت=بفراقهم قالو فراق السنااااااافي
الــدنيا دواره ليابعت ......... انبعــت=كلن بياخذ ماعطا بأنتصـــــــــــافي
اذخر حـــبيب اليوم باكر لياطـــحت=تلقاه فـــي حر الزمن ظل دافـــي
واللي يروح ان راح عنك فلا ضعت=من ودع ابلا ذنب قل له عوااااافي