كفكف دموعك يابعد عين مغليك = وخل الدموع السايله مني وجاي !
ياللي ابيع لناس لرضاك واشريك = ابسألك وشلون حالك يليــــــــــــــاي!؟
تعبت ارتب ذكرياتي بطــــاريك = وياكم تغيّر في طواريك ممشــــــــــــاي!!
عدت شهور وجيت ادور مواريك = فوق السحاب وفي زوايا حناياي
وارقب خيالك تالي الليل وادعيك = وادعي من الطاري ملامح خطاياي
واقلطك في صدر ناره تباريك = ويقول لك ياخل وشهي سواياي
واعلمك وش صار فالبعد واسقيك=من دلة ٍ يضمى على شربها الماي ؟
ياكم تعنوا ..مارتكوا في حراويك = ماغيرك اللي جالس ٍ داخل احشاي
وجيتك على وضح النقا ميته فيك=واقول : احبك يابعد كل دنياي
ردتني الذكرى والاعماق تبغيك = والشوق والاحساس والخوف وغناي
خلاص صارت واتركني ..خطاويك = باقي شهور تروح تحيى بلياي
هنيّها لامن غفت بين اياديـــــــــــك = يومي اجر الآه واصاحب ابكاي
هنيها لا جابوا الناس طاريــــــــــــك = هنيها لامن خذت منك الراي
هنيها لامن زعلت وتراضيك = هنيها لامدت لكفك الشاي
هنيها لا لدت بعينها ... فيك = هذي فعولي يومك تكون وياي
اداعبك فالحب وابكي واراضيك = واسامحك واخطي وابادلك برضاي
اجننك فيني .. وابعّدك وآجيك = واجيك وابعد عنك ويحين مسراي
واسري على جالك وصحراك واعطيك = حب ٍلك الله مابخل في عطاياك
كفكف دموعك يابعد عين مغليك = وخل الدموع السايله مني وجاي