الشـعـر شيـخـن والقـوافـي غـنـآديـر = وكـلاً علـى حسـب أختـيـاره وذوقــه
هـذاك يبـحـث عــن بنـآتـن مشآهـيـر = وهـذآك فـي بحـره يـدآعـب شـروقـه
وفـلان همـه كيـف يكـسـب جمآهـيـر = وفـلان وصفـه مـآ لقـى مــن يفـوقـه
والبعض يرقى بالشعـر دون تقصيـر = يـكـيَـف الـمـعـنـى بـكـيـفـه وروقــــه
وهـــذآك جـهــز لـــه دلآلٍ مـبـاهـيـر = وفنجـآلـهـآ فـكــره لمـنـهـو يــذوقــه
وهــذآك تلعـبـه ريــآح وواعـآصـيـر = عآيش اسير الصمت في وسط سوقه
وأنــا وشـعـري والقـوافـي مساهـيـر = نسهـر مـع فـكـري وأجـمـل طـروقـه
نغـوص فـي بحـر الشقـآ والتعآسـيـر = نبحـث عـن الابـداع ونـدرس فروقـه
وجتنـي بنـات الفكـر مثـل الطوابـيـر = جمـالـهـن لا شـــك مـحــدن يـفـوقـه
هـذيـك تـرسـم مــن حـلاهـا تعـابـيـر = وهــذيــك تــلــت للهواوي خـفـوقــه
ومـــآ كـنــي إلا للـغـوانـي تـبـاشـيـر = اعشق صعيب القآف وأجهل عقوقـه
قصيـدتـي تـتـعـب جـمـيـع التفـآكـيـر = جزله وسهله جـآت مـن غيـر عوقـه
أبياتـهـا حبـكـه وسـبـكـه وتـصـويـر = متماسكـه مثـل النـخـل مــع عـذوقـه
جمـعـت أنــا فيـهـا عـلـوم وتفآسـيـر = وترجمتها بأحسآس عـذب وشفوقـه
يالله عساهـا ترتقـي بـي علـى خـيـر = وأمطر سحاب القآف وأرعـى بروقـه
طالـبـك يارحـمـان يــا رازق الـطـيـر = طلبـت شقـي عـاجـزن عــن حقـوقـه
إنـــك تجنـبـنـي كــبــآر المـخـآسـيـر = وتـزيــل هـمــي لآ بـدآلــي شـروقــه
راجـيـك تغـفـر كــل زلـــه وتقـصـيـر = وتختـم لنـا بالخيـر ونفـسٍ صـدوقـه
شـح الـفـرح يـومـه تعثـربـه السـيـر = والـحــزن دايـــم باللـيـالـي نـسـوقـه
وطالـبـك تكفيـنـا صــدوف المقـاديـر = وتعـيـن حــالٍ مــن عنـاهـا زهـوقــه