كم لي أحاكي نجوم الليل مااسمعها =أسمع لصوت ٍ ترك صداه في ذاتي
يشـق ثوب الحزن والروح يرقعها =وكن الكواكب تزاحم في مجراتي
ويغرد العشق (ف)ضلوعي واراجعها =ذكرى حبيبه حنت غصن المسراتي
أنثر غـلاها بصدري وارجع اجمعها =وتحفر لها فالخفوق الحي نبضاتـي
يزفـهـا الحب والاشواق تدفعها = غرامها مركب أرسى في محيطاتي
أُهادي المـوج لاغرق في تواضعها =وروض البـساتين حاويها بنظراتي
صُـبح المـفاتن كأن النور ناصعها =اذا اشرقت تنتهى مـعهـا معاناتى
ياكثر ماجعتها وان ذقت ما اشبعها =وينساب سلك الترف بجفون خجلاتي
مدينة الحُسن هايم في شوارعها = من وين اوصف وأنا في جو سكراتي
جديلها تنسفه باطراف اصابعها =فصل خيوط الحرير ولملم (إ)شتاتي
واعيونها كاسف الحجان وسعها = واهدابهـا مضلمه والخـد مِشكاتي
طرف ٍ غشاه الحٌور ضايق مدامعها =إذا تعـمـقت فيـه (أ)تـزيـد ونـاتي
وبشفـاتها يجتـمـع نحل يتجرعها = في ريقهـا المر يصبح عذبٍ افراتي
وياعنق من رزتك قّصرت برقعها =والخصـر عنـوان والبـاقـي عباراتي
والردف ثقله علي الساقين ما اجزعها =لوزاد وزنه من(أ)حساب الرشيقاتي
منها يغـار الدلع وش لون ادلعها=وفيـهـا مـلاذ النـعومه واجمل اوقاتي
أغوتني الفاتنه وازريت اطوعها =تجفل وتركض خيول الشوق (ف)سكاتي
في ظلمة الليل لوتقـبل بمفرعها =ترسل سنى نورهـا في ليلة أهاتي
كنت اتّهجأ المحبه والغلا معها= وحفضتها والفراق أعظم جهالاتي
والله لولا العمر رحله ما اودعها=واعيشها فرحتي واحزاني امواتي
ُأُخايل الغـد مستعجل مراتعها = ويطويني البُعد واشقتني مسافاتي
ذلولي الصبر والخطوات ما اتبعها =وصحراء المقـاديـر فيـها دوم وقفاتي