,, قصة محمد بن شلاح المطيري ,,

08-28-2008, 04:26 AM

أمل الوجار وخلوا الباب مفتوح.......خوف المسير يستحيي لا ينادي

.
.
.

هذي قصيدة معروفه ومشهوره للشاعر

محمد بن شلاّح المطيري

وقصتها :

يقولون ان الشاعر في عام 1384هـ قام ببناء بيت في حي الشرفية بمدينة جدة

وعمل غرفة في مقدمة المنزل وضع فيها «وجار»

وكان فاتح الباب الرئيسي للبيت وجالس في الغرفة ام اوجار

واللي يمر مع الشارع يشوف اللي جالسين داخل الغرفة ام وجار

وكان هذا المنظر غريب ذاك الوقت

ويقولون ان جدة في هذا التاريخ 1384هـ ليست كجدة الآن من توفر الفنادق والشقق

السكنية وحتى المطاعم ، وفي ثالث أيام عيد الفطر المبارك وعندما صلى ابن شلاح

الصبح فتح الباب، ودخل إلى داخل المنزل، وكان عنده رجل يقال له جميل

شب الضو جميل وقام يسوي القهوة، ولاّ ذاك الرجال الي دخل عليه

رحب به جميل وسأله هل تعرف صاحب البيت؟

قال الرجل:لا والله لكني خرجت من المسجد، ورأيت جميع

الأبواب مغلقة ما عدا باب هذا البيت، واستحيت لا اطرق الابواب أو انادي

فدخلت وانا شمري من قرى حائل أبحث عن ابني في مدارس الثغر، ومن هو

صاحب البيت؟ قال جميل هذا رجل مطيري ،، كل هذا الحوار الذي جرى بين جميل

والشمري سمعه من ؟

ابن شلاح سمع الكلام اللي دار بينهم وكان ورى جدار الغرفة ام وجار

ويوم سمع ذا الكلمة بالتحديد من الشمري استحييت ألا انادي

طرى على فكر الشاعر ذا البيت اللي هو مطلع القصيدة :

أمل الوجار وخلوا الباب مفتوح.......خوف المسير يستحيي لا ينادي

المهم جاهم ابن شلاح ورحب بالضيف وقاله ترى واجبك طايح >> يعني بيدبحون الخروف

ورفض الشمري وحلف ابن شلاح وصار الواجب وانتهى شغل الشمري ورجع لاهله

واكمل ابن شلاح قصيدتة

و هذي القصيـــدة :.

أمل الوجار وخلوا البـاب مفتـوح
__________ خوف المسير يستحي مـا ينـادي

نبغي الى جاء نازح الـدار ملفـوح
__________ وشاف البيوت مصككة جاك بـادي

يقلط لديوان به الصـدر مشـروح
__________ ورزقه على رازق ضعاف الجرادي

يا نمر ما في صكت الباب مصلوح
__________ ولا هي بلنا يـا مضنـة فـوادي

تصلح لمخلوق يبي يستـر الـروح
__________ ناشي عليهـا معتمدهـا اعتمـادي

يا نمر لو المرجله سـدو مسـدوح
__________ كـل نقزهـا حـر ولا بــرادي

لكنها من دونهـا المـر مطـروح
__________ وارض تبي من بذر فعلك سمـادي

رجال تقصيره مع الناس مسمـوح
__________ لا حيث ماله في القديمـة شـدادي

ورجال تقصيره مع الناس مفضوح
__________ وكل يقول النـار تخـر رمـادي

وسلامتكم ’’’

08-28-2008, 04:46 AM

قصـه رائـعه و فيهـآ من الكرم و الجـود عد رش السحـآيب

و الطيب يفخـر بهم قبل لا يفخرون بـه

الشـآطري

طرح قيم تشكـر عليـه

و صح الله لسـآن إبن شلاح على كـل شطـر خطـه يمنـآه و تفوه بـه لسـآنه

,,

,,

تقبل مني فآئق الإحترام

08-28-2008, 05:20 AM

صح ذووووقكـ على هالقصهـ الروووعهـ
..

لآهنــــــــــــت !
/
/
/
على القصيده
صح لسااان بن شلآآآح .... (ومطير غنيّهـ ع التعريفـ)
والله ونعم فيكم

أمل الوجار وخلوا البـاب مفتـوح
__________ خوف المسير يستحي مـا ينـادي
نبغي الى جاء نازح الـدار ملفـوح
__________ وشاف البيوت مصككة جاك بـادي

يقلط لديوان به الصـدر مشـروح
__________ ورزقه على رازق ضعاف الجرادي

يا نمر ما في صكت الباب مصلوح
__________ ولا هي بلنا يـا مضنـة فـوادي

تصلح لمخلوق يبي يستـر الـروح
__________ ناشي عليهـا معتمدهـا اعتمـادي

يا نمر لو المرجله سـدو مسـدوح
__________ كـل نقزهـا حـر ولا بــرادي

الشاطري متميز دائما

08-28-2008, 05:40 AM

بروق ,,

مروري رائع ,,

يشرفني مروروج ,,

08-28-2008, 05:41 AM

سهوم ,,

لاهنتي على المرور ,,

ونعم فيج ,,

وكم اسعدني مرورج, لا خلا ولا عدم ,,

08-29-2008, 12:56 AM

الشاطري

صح لسان ابن شلاح

وسلمت يمينك على مانقلت لنا

تقبل مروري

08-29-2008, 04:24 AM

عطر ,,

اسعدني مرورج ,,

ولا خلاا ولا عدم ,,

08-29-2008, 05:35 AM

صح الله لسان ابن شلاح

ولا هنت يالشاطري

على النقل الموفق

تقبل مروري ..

الشمراني

08-29-2008, 05:57 AM

الشمراني ,,

دائما ً تخجلني في مرورك الرائع ,,

لاهنت يالقرم ,,