يا جمع صفق والمعازيم تصفير

08-27-2008, 01:45 AM

السلام عليكم ورحمة الله وبركاته

هذي قصيده متواضعه كتبتها في عمي فيصل الله يحفظه بمناسبة زواجه

عساها تعجبكم واللي عنده اي ملاحظه او اي تعليق على اي بيت يتفضل

ترى ذي القصيده تعتبر من اوائل ما كتبت يعني ما ظنيتها تخلوا من العيوب

اقول

سلام مني بالنيابه عن الغير
نايب شريف وعزوته هاشميه

يالله مسي هالرياجيل بالخير
وحي من تعنا بالحضور ابتحيه

يامرحبا تعداد ما غرد الطير
وزود زود وزود واكثر شويه

بعد التحايا زان سوق التباشير
مزينه باجمل تهاني هنيه

فيصل عريس اليوم نعم المناعير
بفرحته تفرح قلوب البريه

يا جمع صفق والمعازيم تصفير
صفق ودوي الصوت لين الحويه

معرف اصور كامل الزين تصوير
خايف يخون القول تحسب عليه

بس آبحاول بالشعر دون تقصير
جعله تجملني حروف الأبجديه

يا عم فيصل كنك الدلو فالبير
تعطي ولا تحسب مخاسير العطيه

اكرم من اللي ماخذ الجود تبذير
واصدق من عتاب الخوي مع خويه

ووقت الشدايد ذيب منتا كما طير
قولك فعل تغشاه حكمة سويه

الحين ابفضحك فيك شين عجب غير
انت الذي طفيت بدر العشيه

وانت الذي حطيت كل الهوامير
بكف العطا وانتا بكفه عطيه

هذا قصيدي وفي قياسي معايير
آصفبها الرجال حسب الهويه

وما عليكم زود يالجمع الغفير
فيكم مثل ما قلت واكثر شويه

وصل الله وسلم وبارك على خير
عبدن تعامل بالخفا مع وليه

وسلامتكم

08-27-2008, 03:22 AM

ضارب الهوا بويه ,,

اول شي مبروك العرس ,,

وصح السانك ,,
ونعم بعمك وفيك ,,

قصيده معبره ,,

وكما قلت لاتخلوا من الاخطاء ,,

وقد بينت لك الاخطاء في رسالتي ,,

تقبل مروري ,,

08-27-2008, 01:47 PM

صح الله السانك ولاهنت يالامير

تقبل مروري

اخوك

عمربن عجرف الشمري

08-27-2008, 04:45 PM

صـــــح لسانــــج .... قصيـــــده جزلـــــه ... يعطيج العافيـــــه

مبرووووووووووووووووووووووك العرس ...

تقبلي مروري

08-27-2008, 05:48 PM


	صح لسانك ولاهنت ومرحبا فيك مليون بين الشعّار والملاحظات انشالله وصلتك برساله من اخونا يوسف الشاطري عساك ع القوه ع الطرح الجزيل والابيات الطيبه . . . ارحب مليار