ياللـي دفنتـوا جثـتـه.. لـيـه تبـكـون؟

08-25-2008, 10:20 AM

قصيده حزينه
أعجبتني ونقلتها لكم

أتمنى تنال أعجابكم ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي
منه انحرمت وكنت انا عنـه مسجـون
مـا أذكـر لمحتـه .. غيـر مـره بعيونـي
شفتـه ..وكانـت فرحتـي مالهـا لــون
عجزت لأوصف .. من لمحته شجوني
ياليتنـي ..كنـت الكفـن يـوم تمشـون
أبـقـى مـعـه بالـقـبـر ثـــم تدفـنـونـي
أو ليتني .. من خلفكم كنت (مجنون)
أتـبـع خطـاكـم والـعـذر هــو : جنـونـي
أبكي وراكم .. وأدعي ان كـان تدعـون
مـا يكفـي انـه عـاش عمـره بدونـي؟؟
تكفـون < هاكـم عمـري اليـوم تكفـون
بـرخـص حيـاتـي دام خـابــت ظـنـونـي
مـا فادنـي صبـري !! ولا فـادنـي عــون
ولا فادني دمع(ن) .. حرق لي جفوني
يـا مـا بكيتـه والبكـي يحـرق عيـون
ميت أو انه حي .. دمعي بعيونـي!!
العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني
لكن أنا في فرحتـه.. كنـت مدفـون
فوق الثرى .. واليوم موته سجونـي
(سميت قلبي عقب فرقاه ملعون)
هو و الليالي .. عن هناه امنعونـي
ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني
وياليتكـم .. عـن همّـي اليـوم تــدرون
منه انحرمت > ومن عزاه .. احرموني
حتى بوفاته !! يـوم أنـا طحـت مطعـون
أخفيت طعناتـي .. قبـل يفضحونـي
بكـيـت!! لـكـن .. ماتظـاهـرت بالـهـون

تقبلوووو تحياااتي

08-25-2008, 03:56 PM

صح لسان شاعرها

وسلمت يمين ناقلها

08-25-2008, 08:23 PM

اسعدني تواجدك يااالغلا وحظورك الدااائم اشكرك اختي

تقبلي تحياااتي

08-25-2008, 09:00 PM

قصيده رائعه ,,!

صح لسانه ولاهنتي ع النقل الرائع (:

تحيااتي ,,

08-25-2008, 09:46 PM

المتبقطه اشكرك من كل قلبي على حضورك الدااائم نورتي صفحتي

لكي كل ودي واحترامي

08-26-2008, 01:53 AM

ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي

.
.
صح لسان شاعرها
.
.
ولاهنتي يالغاليه
\
\
\
دايم متميزه
وحلوه بمواضيعج
\
\
\وماتقصرين

فديت دموعك يايمه

تقبلي احترامي الدائم لج

08-26-2008, 02:20 AM

فديت ادموعك يايمه ,,

نقل رائع ,,

وقصيده رائعه واعجبتني ,,

دونتها في دفتري ,,

تقبلي مروري ,,

08-26-2008, 02:31 AM

سهوم اشكرك حبيبتي تواجدك الداايم في صفحتي وهذا شرف لي وكلك ذوووق حتى بردك مميزه

تقبلي كل ودي واحترااامي

08-26-2008, 02:35 AM

اخوي يوسف اشكرك اسعدني تواجدك الدااائم

تقبل تحيااتي