ليه ثلاث أيام أعيد الحسابات=من بعد قالولي في صابرك شيبات
لاوا وجودك يابو عايد وهيهات=أيام تسعى سعي سيلاً في مسيال...
الوقت يمشي والعدد في التنازل=ماظن باقي من العمر كثر مازل
والأدمي مثل القمر في المنازل=يبدى هلال وينتهي أخره هلال...
وأعيد أفكاري في وقت مضالي=وإلي كسبته من تجارب طرالي
وأخذ عبر منها وأعلم عيالي=وأعلم أرجالاً تبي النصح عقال ...
جربتلي دروساً وطلعت حقيقه=خالفتها فعلاً وذقت العزيقه
ياما رمتني في بحوراً عميقه=يا مارمت قبلي من رجال ورجال...
منها الثقه العمياء وهذي خطيره=كم واحداً طيب يزينلك طيره
يصفعك بي صفعه تضيع البصيره=يخلف تفاكيرك يشوش بالإرسال...
ومن العجل كاس المراره تجرعت=وأكلت حنضلها وتعشيت وشبعت
ثم أتندم ليتني ماتسرعت=فن الركاده مايقدر بالاموال...
وأحقر طبيعه في الرجال اللقافه=من صادته ما صاد غير الحسافه
ويطيح مقداره وكلاً يعافه=ملقوف مايسوى جنيهين وريال...
وذقت من ضيم الكفاله ذواقه=بغيت أروح من سنعها عِلاقه
وأقل ما فيها تخرب علاقه =كم واحداً حمل كفيله بالاثقال...
وهذي هي أربع صدق مرت علية=ساقتني للإحراج سوق المطيه
والهينه تكشف عيوب الرديه=هذا وما حاف أبو عايد وما قال....