صحيح قبل شارع ترابي بلا رصيف=
والصريفه البيهه جالس تمطر المي على الكيف =
لكن احسن لا كوى التبليط رجلي و لا نمت فوق الرصيف =
قبل حنان بصريفه ردي وبرد وشتا وستاره =
بابه ستاره وكلنا ماخذنا الرجيف =
هسه سحان ماي حار ودوش عدنا والف واحد مريض =
قبل تنور اهلي طين والصديق يصير اخوي لو علي مره يظيف =
هسه من صار الخبز عل الكهرباء ظل يحط عينه اعلى اختي وهو ياكل بالرغيف =
انا ضد هذا التطور مو شريف لا تقلي انسان رحعي =
الناس صعدت للقمر ارفض اصعد للقمر حتى لا اصيرن خبيث =
قبل خبز شعير ناكل ولو شبع واحد يصدق على الفقير =
حتى عن ذنبه يكفر هسه جل فراي ناكل ولو طلب خبزه الفقير =
نظربه على كصته ونكفر =
قبل بس فانوس عدنا وكنه كل مغرب نشعله =
وعل النبي نصلي ونكبر =
هسه لو ولعوا علينا الكهرباء حتى شايبنا يصفر =
انا ضد هذا التطور =
قبل كان الخص كصب وما تنزل الى الجاره عين =
كانت الكصبات تستر هسه طابوق السياج =
اشويه ناصي بصفه كرسي فوق رجلي ارفع ايدي =
بس ااشر هي تطفر =
انا ضد هذا التطفر انا ضد هذا التطور بالحياة =
عملو الاف التجارب والبحوث حتى تدخل انظمة وندوز كل الحاسبات =
انا ضد هذا التطور يا طغاة =
صنعو تلفاز ريمونت كنترول حتى محد يتعب بوقت الصلاة =
وهو جالس لو سمع صوت الاذان يدوس زر الوحده بيده يبدل القناة =
ما رضو على التفرقه بزي النساء الامريكان =
وحده متقبه بحرير وحدة نص ردن ورتاد =
صممو بورده حديثه وحققوا بيها التساوي وهسه كلهن عاريات=
انا من هذا التطور ما اريد =
ما اريد تصميم ازيائي النساء =
ما اريد النوب احدد بالسحاب =
حتى لا تعلى العبيد =
هسه لو قلبك يموتالطب يقول ما تموت =
قلب اي تمساح نزرعلك تريد ولذلك ما اريد =
ما اريد شما اقص كف الحرامي يروح يزرع كف جديد =
وما اريد تغرز نطفة برحم حتى لا ولد الزنا بقتك تزيد =
وما اريد امريكان تستنسخ بشر حتى لا كل يوم تستنسخ عتيد =
انا مو ظد هذا التطور انا من هذا التطور ما اريد =