ياسعود لا تنشد ترى ماني مجـيب ** خل الذي خافي له شهور خــافي

ان شفتني مغتاظ لي حق ومصــيب ** ياسعود مزعلني جديد اكتشـافي

الغالي اللي كان من قلبي قريب ** بيني وبينه صار مثل التجـافي

ان قلت زله مثلنا زلته عـــيب ** من قال لك شمس الضحى ماتشافي

ان قلت هقوه يمكن اتصيب وتخيب ** كم لي سنه ماشفت فيه اختـلافي

وان صار في نفسه بعض شكه وريب ** حتى البحر ماهو على طول صافي

صرنا من الصده سوات المصـاويب ** كلن نقل جرحه وقال متعـــافي

اصعب فراق فراق عكف الاشانــيب ** ماهو مفارق لابسات الغـــدافي

والذيب لامنه عوى جاوبـــه ذيب ** والعلم حامض بس وين الاشــافي

دامه لقى له غير قلبي معـازيب ** الله يسمح درب هاك السنــافي

يروح لايرجي رسول ومكـــــاتيب ** هو خابر اني ماتلفت خــــلافي

واللي تعلى فوق روس المراقـيب ** اكيد ماتسفي عليه الســـوافي

رح بشر اللي شال شلفى تريحـيب ** قله تراها كلبوها عـــــوافي

اليوم نفسي طابت وباكر يطــيب ** جرحي لو انه من يدين المشافي

خلصت والدنيا دروس وتجـــاريب ** سجل يابو عبد العزيز اعترافي





الشاعر / متعب التركي العبيوي المطيري

يعطيك الف الف الف عافيه
هام هام ...
وعساك ع القوه
هذي القصيده من اجمل ابداعات متعب التركي .....



ومتعب التركي من اجمل الشعراء اللي يطربون مسامعنا ويلامسون مشاعرنا
وعن جد يعطيك الف الف عافيه

الله يعافيج ماسويت شي

تستاهلين اكثر بمر عليج فى المنتديات

بشوف قصيدك ههههههه

ابي ازعجك شوى

هاااام سلمت يمنااااك يااالغلا

هلا هلا فيج يافديت ادموعج

مشكوره على المرور

هلا هلا هلا ومرحبا فيج يا سهوم المنايا

ومرينا ابشرج وضح لسانج ومايطلع من الزين ياكود الزين

والذيب لامنه عوى جاوبـــه ذيب
** والعلم حامض بس وين الاشــافي

دامه لقى له غير قلبي معـازيب
** الله يسمح درب هاك السنــافي

يروح لايرجي رسول ومكـــــاتيب
** هو خابر اني ماتلفت خــــلافي





صح الله لسان شاعرها




وسلمت أنامل ناقلها



هآم



لك ودي