ياسهوم غني واطربينا وقووووولي = ولاّ.. دخيلك ...سمعينا قصاايد
وانا الفرح ماهو بيمي وحوووولي = هذا جديدي مير مامن جدايد
غير الحزن والهم وشتات زووولي= اللي تعب من شيل حمل الشدايد
لا يامرايم مابقى الا ذبوووولي =وانا الهنوف اللي بهالزين كايد
عاندت لجله ..جارفات السيوووولي =واقفلت سمعي عن كثير النقايد
جيته حمولي كبرها من حمولي =مارخيت عزمي (بين صيدٍ وصايد)
كمّلت دربي ... والاوادم تنولي =جنبت عن درب الردى والفوايد
شمت وتعديت الخطا ... في رجولي =مشيت درب ٍ ... مارضته العواايد!
سهرت ليلي ... ماجذبني خمووولي =ولا اغراني فراش الهنا والوسايد
اوفيت له في صدق والناااااس حولي =تحكي علوم ٍ سمّها ... فالورايد
واموت واحيى وانتبه في ذهوووولي =اني احبه \\حب قاتل وزايـــــــد
حب ٍ تفردبي واغراااااه ... زووولي = مايدري ان جسمي روّته النكايد
وش عادني انطر (تقولين قولي ؟) = هذا جديدي مير مامن جدايد

خل الذي في صدر الايام مدفون = من ماضي الوقت الذي قد جمعنا !
وخل العيون تذوب في شوف العيون = والموعد اللي صدفة ٍ كان معنا !
شفته بصدفة جمعتنا على هون = حكي العيون ولاحدن قد سمعنا !
اقول له مشتاق؟ ويقول: ملعوووون= شوق ٍ لعب فيني ولاهو نفعنا !
ويقول لي : رحتي؟ وانا اقول : بالعون= ماراح طيفك يوم الاشواق بعنا !
رحنا بعزة نفس والناس يدرون =يعني (كرامه)... فالهوى اللي دفعنا !
وابطيت عنك والبلا الشوووق مجنون = ماكن بعناد المجانين ... ضعنا !
خل الذي في صدر الايام مدفون= من ماضي الوقت الذي قد جمعناااا!