امس العصر مرّيت لسوق لحظات=قصدي دقايق في محلّ الصرافـه
قصـدي ابـدل عملتـي بالريـالات=ثـم اتجـه لديـار نجـد بلهـافـه
وحسب اموري كلها بالسّهـالات=ميـر السهالـه عانقتهـا كـلافـه
زولٍ خطرّني في عيونـه علامـات=كنـه يقـول الزيـن فينـي ولافـه
مازيّنه مكياج وبعـض الاضافـات=ولاعدّلـه ماقيـل حبـة صحـافـه
حالي محلا في حسينـه ملـذات=كامل طبيعي والحـلا هـو زفافـه
من شفتها رحت اتبع اخطاه بسّكـات=لين الّتفت بحساس من هـو خلافـه
وقمـت اتصـدد والتفـت للمحّـلات=كني مضّيـع فـي محلّـي وصافـه
ثم كمّلت والقصـد تبعـد مسافـات=وانا وراها قمت اقيـس المسافـه
لين ادخلت محلٍ امـن البقـاالات=وادخل معاها عـلّ حظـي مطافـه
قالت ياحجي عطني كرت اتصـالاات=ايزي بوخمسه والصحا من مقافـه
يعني تعرّف بنيّتـي بختصـارات=ابمقّصـدي وبّشبّهتـي ونّكشـافـه
وبدّيتهـا يـم الصحـف والمجـلات=يذاك ابقرالـي خبـر مـن غلافـه
وقامت تناظرني بنظـرات شينـات=كـن المشاكـل معلـنٍ بسطفافـه
ودور العباطه فينـي والاحتيـالات=حتـن اجنّـب شبّهتـي وأّتـلافـه
وقول حجي عطني ببسي وكت كـات=عطني ألم خفيف وعطنـي كنافـه
عطني قلم ومع القلم عطني لمّبـات=عطني وجه عطني امل بـه رآفـه
من عقبها بانـت بهـا الابتسامـات=من شاف مبسمها يشوف المشافـه
يازينهـا مثنـى ويازينهـا شـفـات=ويازين دوري في اصـول الظرافـه
والوقت طوّل بين ساعه وساعـات=وتبـع مشاويـره ولابـه معـافـه
لين استوا الميزان والوقت والـذات=ولين ابتدا المطلـوب وزان الّتفافـه
قلت اسمحيلي كـان ودي بكلمـات=قالـت تقلّـع خـلّ عنـك اللقافـه
قلت اللقافه بعض الاحيان فزعـات=فزعت جريٍ اهتـوى زيـن شافـه
ماني من اللي يهّتـوون التّغلّطـات=ولاني من اللي عزته فـي طرافـه
قالـت ياعمـي وشتبـي بالمعانـات=ماني من اهل العشق ولبغا اعترافه
خلك بعيد ارجـوك ابـلا اهتمامـات=ياللـي نويـت وجيتنـيّ ابلهـافـه
قلت الحقيقه منتـي مثـل البنيّـات=عيونك النجـلا مقـر الضيافـه
مجلس وتقلط فيـه ياكـم نظـرات=والرمش بيت الشعر دونـه اضافـه
والعنق عنق الظبي للزيـن هامـات=ماهـو بعنّـق عنـز ولا زرافـه
غروٍ مدّرب بالدلع لك مهـارات=محلا تدلاّعك ومحّـلا احترافـه
لا شافك امطوّع تجي فيه ميـلات=كـب التزامـه وبـتـدا بنحـرافـه
قالت سخافه وكل قولـك سخافـات=لو زاد مدحـك عارفيـن اختلافـه
ياللي تدوّر فـي عيونـي علاقـات=مهما ومهمـا زاد مدّحـك سخافـه
ياكثر غيري بالوصايـف حسينـات=ابحث وكثر الهـرج شيـن وتلافـه
ابحث وبرمـج مهجتـك بدّعايـات=هـذا شبـاب اليـوم آواحسـافـه
قلت اسمعيني كان لك موقفٍ فـات=لاتجمعينـي فـي مساحـة ضفافـه
ماكـل ارضٍ صالـحـه لتّنـبّـات=ولاكـل سورٍ نسّتظـل بحوافـه
انا يابنـت النـاس ورب السمـاوات=باللي صرف الامـر نونـه وكافـه
اليا عشقت وشفت بالعشـق لـذات=امن الوفا والصـدق فيـه اتعافه
لـولا البدايـا ماعرفنـا النهايـات=ولولا المحبـه ماعرفنـا المجافـه
ولولا التعاسه ماعرفنـا المسـرات=ولولا التجـرّي ماعرفنـا اللقافـه
ولولا الامانـه ماعرفنـا الخيانـات=ولولا المشاعر ماعرفنـا اللطافـه
ولولا المعاني في تعابيـر الابيـات=قلنا ياشين الشعـر وياشيـن قافـه
قالت تركّد وش هو لـولا ولـولات=لـولا ولـولا مايفيـد انصـرافـه
ردن علي لـولاك مابـه قناعـات=عمر البحـر ماحـن قـوّ انجرافـه
اقولهـا مـره ومــره ومــرات=مايستـوي دربٍ كثيـر انعطـافـه
لالا..تحـاول لتّحايـل بحـيـلات=المجتـع بالشيـن مملـي بـآفـه
قلت اركـدي لاتبدعـي بالمسـاوات=ياللي جنيتينا بكـره المصافـه
لاتحسب الدعـوه حمـاس ومبـارات=مابيـن جمهـورن يعـدّ ابـألافـه
راحت حياتك بين فـاول وهجمـات=في ساحـةٍ سـوده كثيـره هدافـه
قالت عشانك ماتهـون الصعيبـات=خلاص من وقـتٍ قظيتـه وعافـه
خلاص ماليبـه لاروحـه وجيّـات=درب الهوى لابـوه ولابـو سلافـه