هلا بأحلى مقاديرى فـداك اللـى بسنينـى راح=هلا لبية مـن نـادئ بأسمـى وغنـت زهـورة
اشيل القلب قدامك ومن هيبة حضـورك طـاح=تهاوت كل جدران الخفـوق وحطمـت سـورة
غلاك اللى جرى بدم العـروق ونبضهـا ذبـاح=اشوف الطيف وانت احلى من الاطياف والصورة
يزيد الشوق واحساس القصايـد لامـس الارواح=تمايل مع هبوب العشق غصنن طـار عصفـورة
يفيض الصدر بحروف الغرام ولاحكى مرتـاح=مدامك تمطر بصـدرى رذاذ الحـب وشعـورة
عليك الله تراعينى ترا الفرقـاء طعـون ارمـاح=انا وشلون ابسلا عنك ونفسـى منـك مأسـورة
دخيل اللى خلق زينك وريحـة خـدك الفـواح=دخيل الضحكة اللى تسلـب الالبـاب معـذورة
انا من كثر حبى لـك غـلاك بداخلـى مجتـاح=احس الله خلقنى لـك وروحـى منـك مأمـورة
عليك العشق ماخلى احاسيس الغلا ترتاح=حنايا الصدر واحساس المشاعر كلها ثورة
انا مدرى وش اكتبلك عن اللى بخاطرى ياصاح= يموت الحرف قبل احكى غلاك وينطفى نورة
.:: إعلانات الموقع ::. 
هــــــيبة حـــــــضورك 
العرض العادي
