أذكروني

08-18-2008, 06:25 PM

في نفس هالتاريخ مـن كـل الأعـوام=تذكـرّوا وش كنـت أنـا وأذكرونـي
راح العمر واللـي بقـى آخـر أيـام=والعلـم عنـد الله مـتـى تدفنـونـي
تكسرّ المركب وسـط بحـر الأحـلام=والعـذر مـن جمهـوري لايحترونـي
الموت أشوفه يغـرس أبمخـي أورام=وش جاب طاري المـوت لاتسألونـي
ماعاد فيني حيـل أوقـف ع الأقـدام=تعبـان كلـي ذابـل وضـاع لـونـي
أصرخ بصمت وداخلـي تشهـق آلام=تكفون مـن هـذا العـذاب أنقذونـي
هـم وينهـم اللـي أنـا ألهـم حـزام=اللـي إذا جونـي بضيقـه لقـونـي
وّصلت راسي لأجلهـم حبـل الأعـدام=والحيـن أمـوت وكـنّ مايعرفـونـي
يلعـن أبوهـم كلهـم شلـة أعــلام=ينسوني كيف !! وليه ..؟ وهم يعبدوني
أقزام ولو ينسونـي يبقـون الأقـزام=محد ٍ رفعهم غيـري ليـن أوصلونـي
ماأعتب على هذا الزمن كلـه أوهـام=المصلحـه هـي الأهـم وأنشـدونـي
الله خلق هالخلق ولـه فيهـم أحكـام=كـل ٍ علـى طرقـه يجّـر اللحونـي
وأنا ترى مانـي متحسـف ولا أنـلام=حقـي أخـذت فالحـيـاة أبجنـونـي
لـي دفتـر ٍ موجـود بـه دمّ الأقـلام=ولافيـه حـي ٍ شافـه إلا عيـونـي
ميتين صفحه كلهـا أوجـاع وأسهـام=سهم ٍ نزفته وسهـم باللـي أطعنونـي
أخذوه بعد موتي هـو مسـك وختـام=وإن كان فيه أشياء غريبه أعذرونـي
تلقونه عند أمي وسط درّجهـا الخـام=مع غترتـي وثيابـي اللـي كسونـي
أخـذوه منهـا أبرضاهـا ولاتـضـام=هـذي أمانـه عنـدهـا وأفهمـونـي
وأقروه وشوفوا وش سبايـب الألهـام=الفقـر وجرحـي والضيـاع أكتبونـي
عنـوان هالدفتـر "قصايـد بالأجـرام"=عطوه جيلـي كـان جيلـي نسونـي
وشوفوا لكم واحـد مصلـي وصـوام=يبـي الأجـر فيّـا ويسـدد ديـونـي
الله لا يسامـح هـذا اليـوم وهالعـام=تجمعـوا علـيّـه ثــمّ أذبحـونـي

قصيدة جميلة ورائعه

للشاعر جابر هايف

ابدع فيها

كماهى عادته

الا ان الامر لايخلو من بعض الملاحظات واتمنى من البعض ان لايعتبرها نقدا

قال الشاعر

اذا كان المراد من كلمة ااوصلونى هو وصول الاقزام الى ما انت عليه من المستوى

فقد سوايت مابينك وما بين الاقزام

واما اذا كان المراد من اوصلونى انهم هم من قام بايصالك الى ذلك المستوى

فاعتقد انهم هم الذين رفعوك ولست انت من رفعهم

انا اخترت هذا التخريج للمعنى

لان كلمة اوصلونى تحتمل المعنيين

الا ان الصوره بالنسبة لى تبقى متضاربه ....حتى حضور الشاعر واخراج المعنى المقصود

من بطنه

وقول الشاعر

تسديد الديون يكون من الورثة او العاقلة ولا يجوز البحث عن متصدق يتصدق عليك مادام لك اقارب ولك قبيلة فعندما طعن عمر بن الخطاب رضي الله عنه وكان عليه دين قال لابنه اذهب إلى بني عدي ليسددوا ديني عني فإن لم تفي أموالهم سداد ديني فأذهب إلى قريش و لا تعدهم

فلو قلت

08-18-2008, 09:53 PM

" رحم الله أمرءًا أهداني عيوبي "

حياك الله ياسامي .. يشهد الله أسعدني هذا الموضوع

أولا ً : متابعتك الثمينه

ثانيا ً : دقــّـة القراءه وهذا يعني التمعن ويعتبر من صالح الكاتب لأنه يتعب على النص فـ . يحتاج لقارئ من هذا النوع .

شكرًا سامي ..

.

قال الشاعر

أقزام ولو ينسوني يبقون الأقزام=محد ٍ رفعهم غيري لين أوصلوني

اذا كان المراد من كلمة ااوصلونى هو وصول الاقزام الى ما انت عليه من المستوى

فقد سوايت مابينك وما بين الاقزام

واما اذا كان المراد من اوصلونى انهم هم من قام بايصالك الى ذلك المستوى

فاعتقد انهم هم الذين رفعوك ولست انت من رفعهم

انا اخترت هذا التخريج للمعنى

لان كلمة اوصلونى تحتمل المعنيين

الا ان الصوره بالنسبة لى تبقى متضاربه ....حتى حضور الشاعر واخراج المعنى المقصود

من بطنه

__

أخوي سامي / صدر البيت كان هذا ( أقزام ولو ينسوني يبقون الأقزام ).

يعني هم من البدايه كانوا لاشيء وإن تركوني يبقون كما كانوا .

وهنا أعود لتأكيد المعنى بقولي ( محد ٍ رفعهم غيري لين أوصلوني ) . يعني أنا اللي رفعت قدرهم بسبب أقترابهم مني .

وإن أبتعدت عنهم كانوا على وضعهم أقزام بسبب أبتعادي عنهم .
لأن معرفتهم لي كانت الدرج إلى القمه ويعودون على ماقبل معرفتي.

طبعًا هالكلام لايحسب ضدي ترى ماهو غرور أو غيره ولكن ( حلقه ) من ( سلسلة النص الشعري ).
__

وقول الشاعر

وشوفوا لكم واحد مصلي وصوام=يبي الأجر فيّـا ويسـدد ديونـي

تسديد الديون يكون من الورثة او العاقلة ولا يجوز البحث عن متصدق يتصدق عليك مادام لك اقارب ولك قبيلة فعندما طعن عمر بن الخطاب رضي الله عنه وكان عليه دين قال لابنه اذهب إلى بني عدي ليسددوا ديني عني فإن لم تفي أموالهم سداد ديني فأذهب إلى قريش و لا تعدهم

فلو قلت

وشوفوا بنى عمى من اخوال واعمام=يبى الاجـر فيـا ويسـدد ديونـي

ياسامي

مايبي الأجر غير مصلي وصوام . وأنا حددت صاحب الطاعه والباحث عن الخير سواءًا كان من أهلي أو إن لم يكن.

يعني وبمثال بسيط / لو كان فيه مسلم محتاج من أحد يتبرع له بكليه . هل من المعقول أنه لايجوز أن يأخذ كليه من غير أهله وقبيلته !؟ هالكلام غير صحيح ( المسلم أخو المسلم ). والحسنه بعشر أمثالها

وبعدين أناماقلت شوفوا أحد يتصدق عليّ ولكن قلت شوفوا لكم مصلي وصوام ( من يخاف الله ) بدون تحديد هذا هو المعنى وبأعتقادي أنه واضح وحرصت في الكتابه على التوضيح بأقرب صوره وأستغرب عدم التقاطك الصوره .

و أستدلالك : بقصه لعمر رضيّ الله عنه , لاتعني بأنه أمر سماوي لهذا لايجب التقيد بها فلا قال الله ولا قال النبيّ. ( عندك آيه من الكتاب أو حديث ع النبي ص ) . فلا تقل لايجوز , وأنت تعرف بأنك هنا ( تفتي ).

وشكرًا لك ياسامي وأنت والله مكسب لهذا المنتدى تخرجنا من برواز المجامله وتحلق خارج السرب

مبدع ياسامي.

08-19-2008, 01:50 AM

الشاعر جابر هايف

مشكور على تجاوبك السريع وسعة صدرك ودماثة اخلاقك....واسلوبك الجميل فى الكتابه

لتوضيح ماقد يلتبس على المتلقى من فهم لبعض المعانى

واخيرا

هنيئا لك هذا الخيال

وهنيئا لك هذه الشاعريه

08-19-2008, 12:42 PM

سامي

ياهلابك ياسامي .. وحياك الله ياطويل العمر

من أسلوبك والخطوط اللتي تضعها تحت الكلمات أتضح لي إنك موسوعه أدبيه وهالشي يفرحنا

ربي لايحرمنا متعت النقاش معك ويفكنا من لسعاتك ..:)

أنت الحين روعتني ماعاد أنزل شي هنيا

أشكرك ياسامي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	الأقسام الرئيسية	مشاركات	المشاركة الاخيرة
أذكروني	جابر هايف	منتدى جابر هايف	0	08-17-2008 11:02 PM

موقع الشاعر جابر هايف	منتدى قصماويه	إعلان نصي	قصائد صوتية	قصص صوتية
مكتبة البرامج	دليل المواقع	دواوين كتابية	خريطة المنتدى	sitemap
دليل قصماوي	إعلان نصي	إعلان نصي	إعلان نصي	إعلان نصي

.:: إعلانات الموقع ::.

قال الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18

يتصفح الموضوع حالياً : 1 (0 عضو و 1 ضيف)