قال الوداع وقلت وش كلمة وداع؟
قال الوداع إنا نفارق بعضنا
قلت إنتظر عندي لك شعور ملتاع
قال عجلي حنا التذاكر حجزنا
قلت أجل الرحله ترى الروح مرتاع
ثم أبتسم قال آمري يابعدنا
قلت من غرامك أشف عضلات الأوجاع
قال حنا عشانك يا حياتي قعدنا
قلت وش معنى إنك تنحجب بين الأضلاع؟
قال تفسيرها إنا لقلبك صعدنا
قلت داريه!!!لكن أنا فيك طماع
قال وضحي أكثر ترانا تعبنا
قلت بصراحه أنت لي شمس وشعاع
قال كملي قلت أنتهينا وضعنا
قال السبب قلت السبب مالنا داع
قال أدري إنا مالنا غير بعضنا
قلت مايبحر القارب إذا ماله شراع
قال نموت وحنا باالجفا ما غرقنا
قلت آآآه قال الآآآآه مصدر الأوجاع
قلت أحبها قال قبلكم قد شهقنا
قلت أعشق الأحلام ولطيوفها أنصاع
قال وأنا أكبر أحلامي نداوي وجعنا
قلت ليت الدوا يكتب بوصفه وينباع
قال لو الثمن بأغلى حياتي دفعنا
قلت حنا وصلنا مرحلة حسم الأوضاع
قال مافهمتك قلت ياطير يااللي رجعنا!!!!!
قال العفو سهيت وكلي لك أسماع
قلت نصف المسافه باقيه ماقطعنا
قال لو كانت الوديان مسكونه إسباع
قلت لاتخاطر قال لأجلك فزعنا
قلت ماتعتقدها مبالغه وأنت جزاع!!!!
قال إيه لكن بالوفا ماجزعنا
قلت من طبع أبن آدم عن الخير منّاع
قال عندي خبر لكن معك مامنعنا
قلت نختلف حنا مفاهيم وأطباع
قال نتفق لو غيرنا مانصفنا
قلت حنا بلغنا في مسافات الغلا باع
قال وهذي نهايه صبرنا وأجتمعنا
قلت حنا مترنا ثوبنا شبر وذراع
قال حتى ولوهو كان سانتي سترنا
قلت بقولها لك دون تمثيل وقناع
قال سطح القمر كانك تبينه طلعنا
قلت أقول أحبك حب خاناته وساع
قال وش كنسل الرحله بعد ماحجزنا؟؟!!
قلت يعني عشاني ماأنت للغير تبّاع؟
قال لأجلك نسينا ياالحبيبه سفرنا
قلت الغلا قال لك ثلاثة أرباع!!!!!!!!!
قلت وربـــــع؟قال للي يحب من بعدنا

صح الله لساااانج قصيده جميله وننتظر جديدك ياااالغلا

قال الوداع وقلت وش كلمة وداع؟
قال الوداع إنا نفارق بعضنا
قلت إنتظر عندي لك شعور ملتاع
قال عجلي حنا التذاكر حجزنا
قلت أجل الرحله ترى الروح مرتاع




تقبلي تحيااااتي

يوسف شككتني برجال تسولف معه انه بنت وهو رجال


صح الله السانك ولاهنت



قبل مروري




اخوك



عمربن عجرف الشمري

أشكرك أخي يوسف على الأطراء والتوجيه الذي أعتز به وأضعه في عين الإعتبار أما الوزن أنا لم أراعيه كثيرا في هذه القصيده بمحض الإراده لأنها أقرب ماتكون إلى القصه منها إلى القصيده ولكني جعلتها قصيده تحمل مضمون قصه
ليكون فيها التشويق القصصي والإمتاع الشعري


وأنا أتعب الوزن قبل الوزن يتعبني

عمر الوزن ماكان عقده أمامي

وكل المجالات ماتجرؤ وترهبني

مادام أنا حطيتها في إهتمامي



أشكرك مره إخرى وماهذا مني سوى توضيح وتوجيهك إشاده لي وعتزاز

كل الشكر لك أخي عمر وأدامك الله

فديت دموعك يايمه رضاك ورضا الجميع هو هدف لكل كاتب وهذا هو ماأحاول تحقيقه لكم

أسأل الله لي العون حتى أرضي الغايه التي لاتدرك وهي رضا الناس

سهوم المنابا أسعدني مرورك وسررت بحضورك وإستضأت بنورك

توجيهك على رأسي وأستشعره بإحساسي

أما قصيدتي هذه أطلقت لها العنان لتسير في مضمار الحريه بكل أريحيه مع إيقاني التام بانها مكتملة الوزن والقافيه معآ

سعدت بعباراتك الرائعه ودمتي إختآ حبيبه

قلت يعني عشاني ماأنت للغير تبّاع؟
قال لأجلك نسينا ياالحبيبه سفرنا

قلت الغلا قال لك ثلاثة أرباع!!!!!!!!!
قلت وربـــــع؟قال للي يحب من بعدنا




حلمك ان تجد جزيرتك

شكراً على هذا الاحساس وشكراً على هذا الشعور

كثيراً ما راقت لي هذه القصيده وكأن ابياتها تجبرك

على ان تقوووول ووبصدق .. صح الله لسانك

وصح الله بوحك وأحساسك ..

وتقبلي مروري ..

الشمراني