هذي القصيده يا عيوني ترى غير = أغليتها وأكيد تدري بغلاها
بجيب فيها كل فكره وتصووووير = وأعدل قوافيها وأزود حلاها
عنوانها يرسم لها ألف تعبير = وأحساسها ينبض مع اللي قراها
ياللي رويت القلب حبٍ وتقدير = يا شمعة أيام المحبه وهواها
قلبي ترى قصرٍ وحوله مسايير = يا خير من سير علينا ضياها
مفتاح قلبي معك ماهو مع الغير = تآمر وتنهي وفي عيوني تباها
البعد .. عنك والله إنه مخاسير = والعين تذرف دمعها من شقاها
أزف لك عمري أذا جاك تقصير = وأرهن عيوني لو سلت عن غلاها
في ذمتي وإللي خلق بالسما طير = دنياي من دونك تزايد عناها
أشواق قلبي مالها أي تفسير = عجزت أنا والروح نلقى دواها
وين أنت؟ يا كل الفرح والتباشير = وين أنت يا عطر الحياه وشذاها
وين انت؟ شوقي صار مثل الجماهير = وفريقهم ولا بطوله خذاها
متعطشن قلبي لشووفك على خير = يا نور عيني وروح روحي ونداها
.:: إعلانات الموقع ::. 
شـمـعـة الـ ح ـب 
العرض العادي
