في نفس هالتاريخ من كل الأعوام=تذكرّوا وش كنت أنا وأذكروني
راح العمر واللي بقى آخر أيام=والعلم عند الله متى تدفنوني
تكسرّ المركب وسط بحر الأحلام=والعذر من جمهوري لايحتروني
الموت أشوفه يغرس أبمخي أورام=وش جاب طاري الموت لاتسألوني
ماعاد فيني حيل أوقف ع الأقدام=تعبان كلي ذابل وضاع لوني
أصرخ بصمت وداخلي تشهق آلام=تكفون من هذا العذاب أنقذوني
هم وينهم اللي أنا ألهم حزام=اللي إذا جوني بضيقه لقوني
وّصلت راسي لأجلهم حبل الأعدام=والحين أموت وكنّ مايعرفوني
يلعن أبوهم كلهم شلة أعلام=ينسوني كيف !! وليه ..؟ وهم يعبدوني
أقزام ولو ينسوني يبقون الأقزام=محد ٍ رفعهم غيري لين أوصلوني
ماأعتب على هذا الزمن كله أوهام=المصلحه هي الأهم وأنشدوني
الله خلق هالخلق وله فيهم أحكام=كل ٍ على طرقه يجّر اللحوني
وأنا ترى ماني متحسف ولا أنلام=حقي أخذت فالحياة أبجنوني
لي دفتر ٍ موجود به دمّ الأقلام=ولافيه حي ٍ شافه إلا عيوني
ميتين صفحه كلها أوجاع وأسهام=سهم ٍ نزفته وسهم باللي أطعنوني
أخذوه بعد موتي هو مسك وختام=وإن كان فيه أشياء غريبه أعذروني
تلقونه عند أمي وسط درّجها الخام=مع غترتي وثيابي اللي كسوني
أخذوه منها أبرضاها ولاتضام=هذي أمانه عندها وأفهموني
وأقروه وشوفوا وش سبايب الألهام=الفقر وجرحي والضياع أكتبوني
عنوان هالدفتر "قصايد بالأجرام"=عطوه جيلي كان جيلي نسوني
وشوفوا لكم واحد مصلي وصوام=يبي الأجر فيّا ويسدد ديوني
الله لا يسامح هذا اليوم وهالعام=تجمعوا عليّه ثمّ أذبحوني