كذاب من قال الزمن صافي له
وكذاب من قال إنه بهالوقت مرتاح
أحد يجامل وداخله الف عله
وأحد على وجهه لبس برقع افراح
دنيا أليمه والزمن هم كله
واللي ضحك به عانق الدمع نواح
مافيه قلب غير حزنه يتله
ولافيه نفس غير منها الاسى باح
الضيق والهاجوس فينا جبله
وأقدارنا مكتوبة وسط الالواح
حنا سفاين في حياة المذله
يهزنا وسط البحر عج ورياح
حنا اسامي في بلد مستحله
أجساد فيها غرغرة نزع الأرواح
حنا لغز جروح والهم حله
مكتوب بيد محزون وبخط جراح
حنا شواهد في رواسي مطله
يشهد لنا التاريخ في كل مرواح
حنا الصحاري ماأسعفتنا المظله
في حرها والقيض شاوي ولفاح
حنا ريئيس ماتبوا محله
في يوم حكمه عانده حظه وطاح
حنا سحب والدمع لازم نهله
إلياإختنق مابين أضلاعنا ساح
حنا سيوف وحزنها حان سله
والسيف له ضرب بالأوتار ذباح
حنا قوافي شعر بوزنه مخله
والشعر دون الوزن منال مداح
حنا خاطر ضاق من هو يفله
فيه المواجع غاديات ورواح
حنا ورق منديل بدمعه يبله
وإليانشف يمسي بالأكدار سباح
مابه سعيد وإن ضحك فيه خله
تلقى بصدره كامنات الاتراح
واللي نجا من ميلة الحظ قله
لة يوم فيه الوقت يعبث ويجتاح
ياغالي كيفك تكرم وزله
وصبه على بارد جفونك إليافاح
أسق الخدود وأكرم المسفهله
خلها تذوق من الكدر كثر الأفراح
أحزاننا في صدورنا مستهله
مثل الغمام اللي على مرتعه لاح
في جوفنا لو أدبرت مضمحله
ترجع لنا يسوقها صوت الأرياح
مال الجروح إلياشتكت غير يالله
ومالها سوى رب المخاليق مساح
ياما شكينا وإشتكينا بذله
وقلوبنا ترجف على غالي راح
مااحد للي تاه دربه يدله
لاصار مايملك دليله بمصباح
كن زاهد والفرض في الوقت صله
ترى سوى فرضك ساعه وينزاح
حياتنا تدور مثل الأهله
تبدا محاق وتنتهي ليل وأشباح
طفل صغير وينولد مانمله
له بالحشى ضمه وبالحضن مسداح
يكبر ويمسح الدلع من سجله
ويصير فيه الوقت باير وسفاح
تاره لنا الدنيا حبايب وشله
وتاره علينا عاتيه ريحها صاح
كم واحد يشبع بالأوهام غله
وكم واحد ينظم بالأوجاع مسباح
ثله تداري حزنها وتستغله
في ضحكة تخفي ألمها ورى وشاح
وثله تجاهر في عناها وثله
تنسج من الحسرات دمعه وترتاح
منهاج ناخذ للشقى وصار مله
للي بلا مجداف يمشي ولاإجناح
داس الدروب وكل كايد يطله
وواجه حروب الوقت مايملك إسلاح
ماله شراع في الخطر يستقله
خبير في بحور التناهيد ملاح
له هامة تنصى الحديد وتفله
فيها إنحنى وآثار ووسوم ورماح
من عاشر الأيام واجب تعله
وتسقيه بالونات عشي وإصباح
كذاب من قال الزمن ضاحك له
وكذاب من قال العمر مابه إجراح

ماشالله عليك طلعت منت هين صح الله السانك ولاهنت يالامير


وثله تجاهر في عناها وثله
تنسج من الحسرات دمعه وترتاح
منهاج ناخذ للشقى وصار مله
للي بلا مجداف يمشي ولاإجناح
داس الدروب وكل كايد يطله
وواجه حروب الوقت مايملك إسلاح



تقبل مروري



اخوك



عمربن عجرف الشمري

أشكرك بالشعر ماينفع نثر
ولك أسطرها بالخط العريض
شاعر من نسل شعار وفخر
مانجي وقت الوغى جملة نقيض
وياإبن عجرف أنت بالساحه قمر
أشهد أن المنتدى بمثلك حضيض

تسلم يالامير وانااسف يمكن خاني التعبير انا مااستهنت فيك يالامير لاني مايستهين بلبشر وحساسه الاالناقص واناكرراسفي قلتها كلمه ولاكنن خانني التعبيرفيها واشكرك على الكلام الي قلته ومالك عندي الا كل معزه واحترام وتقدير ونعم فيك وبلعرب الي انت منهم


تقبل احترامي وتقديري


اخوك



عمربن عجرف الشمري

صح الله لسانك مبدع



كم واحد يشبع بالأوهام غله
وكم واحد ينظم بالأوجاع مسباح
ثله تداري حزنها وتستغله
في ضحكة تخفي ألمها ورى وشاح
وثله تجاهر في عناها وثله




تقبل تحيااااتي

يسلمووووووووووووووو

فديت دموعك يايمه أسأل الله لك السعاده وادامك الله لمن أنتي فدوه لدموعها وأدامها الله لك

فارسة الأجيال سلمك الله وألف شكر

من عاشر الأيام واجب تعله
وتسقيه بالونات عشي وإصباح

كذاب من قال الزمن ضاحك له
وكذاب من قال العمر مابه إجراح


صح الله لسااااااااااااااااااانك

مليوووووووووووون ولا هنت

يالذيب تقبل مروري ..

الشمراني