الشعر شيخن والقوافي غنآدير = وكلاً على حسب أختياره وذوقه
هذاك يبحث عن بنآتن مشآهير = وهذآك في بحره يدآعب شروقه
وفلان همه كيف يكسب جمآهير = وفلان وصفه مآ لقى من يفوقه
والبعض يرقى بالشعر دون تقصير = يكيَف المعنى بكيفه وروقه
وهذآك جهز له دلآلٍ مباهير = وفنجآلهآ فكره لمنهو يذوقه
وهذآك تلعبه ريآح وواعآصير = عآيش اسير الصمت في وسط سوقه
وأنا وشعري والقوافي مساهير = نسهر مع فكري وأجمل طروقه
نغوص في بحر الشقآ والتعآسير = نبحث عن الابداع وندرس فروقه
وجتني بنات الفكر مثل الطوابير = جمالهن لا شك محدن يفوقه
هذيك ترسم من حلاها تعابير = وهذيك تلت للهواوي خفوقه
ومآ كني إلا للغواني تباشير = اعشق صعيب القآف وأجهل عقوقه
قصيدتي تتعب جميع التفآكير = جزله وسهله جآت من غير عوقه
أبياتها حبكه وسبكه وتصوير = متماسكه مثل النخل مع عذوقه
جمعت أنا فيها علوم وتفآسير = وترجمتها بأحسآس عذب وشفوقه
يالله عساها ترتقي بي على خير = وأمطر سحاب القآف وأرعى بروقه
طالبك يارحمان يا رازق الطير = طلبت شقي عاجزن عن حقوقه
إنك تجنبني كبآر المخآسير = وتزيل همي لآ بدآلي شروقه
راجيك تغفر كل زله وتقصير = وتختم لنا بالخير ونفسٍ صدوقه
شح الفرح يومه تعثربه السير = والحزن دايم بالليالي نسوقه
وطالبك تكفينا صدوف المقادير = وتعين حالٍ من عناها زهوقه
.:: إعلانات الموقع ::. 
الـغـنـآديـر 
العرض العادي
