الحب حرمته على القلب ماأبغاه
أبتركه لأهل العقول الخفيفه
خلوه للي يطلبه ويتمناه
اللي يعجنه ويستلذ برغيفه
والقلب إليامنه زهمني أبعصاه
والله ماأطيعه في مشاعر سخيفه
بأعيش جافي في شعوري وبجفاه
قبل يحسبني في حياته رديفه
دنيا الهوى فيها مجالات للآه
وتجرح قلوب أهل القلوب النظيفه
خليتها للي عيونه مغماه
أسير قلبه عابر مع رصيفه
ذل وهوان وملعنه شي ماأرضاه
وربيع عمري ماأجمعه مع خريفه
وإن كان حن القلب لحظه وناداه
بأرفض نداءاته وأعاند شغيفه
الحب ريح وكل بستان ترقاه
والقلب ورده ينجرح من حفيفه
والشوق نار وكل وادي تنحاه
والنفس دوحه والمشاعر قطيفه
هذي حقايق لكن الحب بأنساه
كله ولاني راضي بالنصيفه
بأكفنه وأحسن مقامه ومثواه
ويصير موقف من مواقف طريفه
فتحت عيني وإعترفت بخطاياه
من قبل عيني والمشاعر كفيفه
خلاص أنا مليت روح المجاراه
وإستكثرتها النفس وأوجست خيفه
ثم إستخرت وقلت ياشين مبداه
ناس تخون وناس تبقى شريفه

أشكرك على الأطراء أخي رعد الهموم

صح السانك ولاهنت



تقبل مروري


اخوك



عمربن عجرف الشمري

وإن كان حن القلب لحظه وناداه
بأرفض نداءاته وأعاند شغيفه

الحب ريح وكل بستان ترقاه
والقلب ورده ينجرح من حفيفه




صح الله لسانك مليووووون


ولا هنت يالغلا

أشكرك أخي محمد الشمراني ولك الأجمل رائما

بروق مطير ليس لي إلا ان أشكرك ولك مني الأجمل دائما

أما تعقيبك فصدري كله رحابه في قبوله وأيقن تمام الإيقان بأن هناك أناس يستحقون الحب وليس هم من أعني ولم أحرم الحب عليهم فهم الشرفاء
أما المعنين في القصيده فهم أولائك الخونه الداخلين في التحريم
وأشكرك مجددا على الإطراء ولك تحيـــــــــــــــــــــــــــــــــــــــــــــــ ـــــــــــــاتي

يوسف الشمراني أشكرك ملياااااااااااااااار يانسل الأحرار
ولك مني الأجمل دائما