اقرب ياشعري وين رايح على وين=لادارت الدنيا وجارت بليله
لاضاق صدري ادبل البيت بيتين=يلعب بي الهاجوس في كل شيله
الناس واجد عدّها في ملايين=والطيّبه قله فشب الفتيله
والطيبه تنشاف فالعسر واللين=تعرف معادنها بوقت الثقيله
عزي لمن فعله بكل الميادين=لاضاق بالي رحتله واشتكيله
اكن له حبي صعوط المجانين=اهل القنا والنعم عز الفصيله
والناس تعشق فعلكم يالسلاطين=كم الفعول الطيبه ترتكيله
والطيب وكرن ساكنينه شياهين=اهل الفعول الطايله والاصيله
سوق المراجل غاليه فالملايين= والي بها فالطيب ياجد حصيله
وهل الردى ماجات بين الوفيين=اهل الفعول الناقصه والرذيله
هذي بكفَ وذيك بين الموازين=اهل المراجل فالعلالي طويله
هذي البضاعه تختلف طيبن شين=بين الحشود الطيبه هي القليله
المرجله ماهي بقرشن ورنجين=والله مايرقى لها طول ليله
انكانها جتنا ياربعي الفطينين=ماعاد تلقى للردى اي وسيله
الناس تقسيمه ضعوف ومساكين=في كل بيتن تختلف له فصيله
هذي النصيحه دارجه فالشرايين=ابعد عن الدجات والحنثويله
تمت وبسم الي مكمل لنا الدين=محمد شفيع الناس يوم الحصيله

المشاركة الأصلية كتبت بواسطة عمربن عجرف الشمري عبدالرحمن صح الله السانك ولاهان منطوقك ابعدت في ماطرحت زسلمت يمناك تقبل مروري اخوك عمربن عجرف الشمري

المشاركة الأصلية كتبت بواسطة همس السحاب الناس واجد عدّهـا فـي ملاييـنوالطيّبـه قلـه فـشـب الفتيـلـه والطيبه تنشاف فالعسـر والليـنتعـرف معادنهـا بوقـت الثقيلـه الله يعطيك العافيه سلمت يمينك اخوي