السلام عليكم ورحمة الله وبركاته :


هذا اول موضوع لي واول قصيدة أشارك فيها واتركها بين أحضان منتدى القصيد

انـتـبـه ..
لا تقول انك على وصلي حييت ... انتبه لاجرح شعورك بالكلام
دامك انت اللي على جرحي وطيت ... باترك الطيب الذي فيه الغرام
هذا وانا توني في حبك بديت ... ماهجرت العش بأحضان الحمام
تشتكي لي وانا عمري ماشكيت ... من جروحك وارتجي كلمة سلام
انذبح في كلمتك وانته دريت ... وابتسم لك هذا طبعي يا كرام
تعرف اني على حزني مابكيت ... وانت حزنك مايوريك المنام
لابغيت تشوف جرحٍ لابغيت ... شوف صدري كم تلقى من حسام
شوف حالي وانا اردد كم بيت ... منكسر واقول على ما يرام
كل ما قلت انسى جرحي ماقويت ... كيف بانسى من لقيت فيه المرام
لا تنادي هادي يكفي مالقيت ... وروحي ماتقوى ترد الاحترام
ابعد وخل الحزن عنك وياليت ... تعرف قلوبٍ تعاني من الحطام
واسف ان كاني على همك جنيت ... وادري اني قد جرحتك بالكلام