ياعاشقين الكيف يأهل المباهير=ياالي تبون الدله الشاذليه.
قهوة بن عادي تحدى المساطير=فنجالها ماذقت فنجال زيه.
اربع دلالن صنع بغداد تصدير=وطقم من الرسلان مافيه حليه.
من ريحها يجلا العمس والتعاكير=ومن طعمها تبرى الجروح النديه.
يشوش راسي وانطرب للمشاوير=ويزين بالي وانوي ٢٠٠٠نيه.
انشهد انها ضبطت بالمعايير=معيارها وقف على حد ميه.
بهارها محكوم خمسة مقادير=كلن نوع مكمل لطعمت خويه.
شقارها يشبه لنوقن مشاهير=ذودن لابن عشون صفرأ نقيه.
قدوعها يسوى الذهب والدنانير=كنه عسل من سدرتن حضرميه.
والذ من ريق البني الغنادير=وابرد من البرد الشمال شويه.
يالي تعجب اضرب الراي لاتحير=وجرب دلالاً سجلت فالوصيه.
الفو عليه وجربو مجلسه غير=ينطحك بالترحيب ويذبح طليه.
في مجلسه تلقى الدلا المناحير=والعود الازرق مايوقف غليه.
وتلقى القصيد وهبت الريح والطير=وجمعت نشامى بينهم نار حيه.
مرحوم يالي ماحصل منه تقصير=ورث حرارأ مامشو بالرديه.
حسين بن عادي عسى قبره منير=عساه فالجنه بصحبت نبيه.
سلام ياسلطان سلم على مطير=سلام مثل الطيب مني هديه.
نعمن بكم ياكاسرين الطوابير=تستاهلونه يارجال الحميه
وانا عتيبي ما حسبت المخاسير=افعالنا يامطير تشهد عليه.
والابه قصورن في دلال المناعير=كلن يقدم دلتن فاخريه.
لاكن ذا ذوقي ولافيه تحقير=وقهوة ابن عادي تحل القضيه.