ما أراني فاعلاً في الليل إن أرخـى سدولـه = ما أراني فاعلاً والصبح قد حـان احتضاره
طفلي اللي مات في اول يوم مـا ذاق الطفولـه = عاجله سهم القدر واختـاره الله فـي جـواره
طفلي اللي مات في غمضة طرف ما حال حوله = يوم عمر الآدمي مـا كـان يومـاً باختيـاره
يا وجودي يوم لفّوا شاحـب الأكفـان حولـه = ما تقـول إلا شظيّـة لؤلـؤٍ داخـل محـاره
يا وجودي يوم أطالع فيه , في عرضه وطولـه = تنتحر في العين منـي دمعـةٍ كنْهـا شـراره
نفس عين آبوي عينه بل ونفس الزول زولـه = وبالأماره , فيه من عمه(شبيـبٍ) كـم أمـاره
جابه الله مثل هتّـان المطـر ساعـة هطولـه = ديمٍ احيـا بهجـة امـه تـارةٍ وآبـوه تـاره
ويوم شاف الشرّ من صوب آهلهْ يشعب ذلولـه = حطّ دون صدورهم صدره من الرحمه ستـاره
ومات توّي مـا بعـد بإيـديّ لبّستـه نعولـه = مات توّي ما بعد ساويـت فـي ثوبـه زراره
كنّ عينه يوم مات تقول: بابا , ويش هـو لـه = يوم تبكي وانت تدري مين انا ذلحيـن جـاره!
كلنا راحل وخيـر النـاس مـن زوّد رحولـه = باغتنام الصالحات وكـلّ كسـرٍ لـه جبـاره
طفلي اللي صوّبت كبده قبل ساعـة وصولـه = بندقٍ من عين حاسد واودعت قلبـي طشـاره
يا وجودي ما لقيت أنسـب لمولـودي مقولـه = من مقولة يا وجه صبحٍ تحرّر مـن خمـاره
أو ثغـر بـرقٍ تهامـيٍّ تبسّـم فـي ثعولـه = ضوح مصباحه عليه يـورّد النجـدي بكـاره
يوم اشيله ما تقول اشيـل شـيٍّ مـن نحولـه = آتشمّم ريحته -من فجعـة القلـب- بحـراره
يوم جيت العب معاه وغاب قلبي مـن ذهولـه = يوم ما شفته تبسّم لي وانـا فـي اول زيـاره
قمت أحدث عنه نفسي- والعرب حولي وحوله = ليت ما هو ميْتٍ؟إلا ميت! ما تبغـى استشـاره
اتْخنقنـي عبرتـي يـوم آتذكّـر مـا تقولـه = عنه أمّه يـوم أنـا فـي ديـرةٍ ماهيـب داره
[آتذكّر يوم هو فـي بطنهـا يحـرّك رجولـه = وانتعيرّ:ليت ما هـو أقشـرٍ؟ لبّـى القشـاره
كم سهرنا معه ليله كاملـه مـن كبـر هولـه = لين صرنا نعَرْف موعد قومته داخـل قـراره
وان تأخّر ما صحى في موعده قمنـا نصولـه = ننغزه يا من يميـن البطـن وإلا مـن يسـاره
ما نبي شيْ بسْ نبي نضحك على ردّة فعولـه = ننغزه ويفز خايف مـا درى ويـش العبـاره
من يدي غيمة على أيـدي الملائكـة محمولـه = غيمةٍ من نور ما تشبـه نضارتهـا نضـاره
يا إلاهٍ كل ما في الأرض طـراً سبّحـوا لـه = شفّعه فينـا غـداً واجعلـه لابوانـه بشـاره
في نهـارٍ فيـه أعنـاق الشياطيـن مغلولـه = يتلقّفنا مثـل مـا يلقـف الحـاوي صـراره

عشت في الدنيا وهي دنيـا وروغتهـا عجولـه = وخذت منها ما خذا (عامر) و (حاجب بن زراره)
يا فتى خذ من حكم من كل الاشهاد اشهـدوا لـه = حكمة العاقل على راس العصا مثـل الصهـاره
المنايا مخلـبٍ فـي كـفّ نسـرٍ مـن يطولـه = شاح به شوحة حصاةٍ حوّلـت مـع راس قـاره
المنايـا مـن بغـت يـومٍ تنولـه , ابـتنـولـه = لو تشيطر فـي تفاديهـا مهـي لحيـة شطـاره
لولا تفريق المنايا ضولـةٍ مـا شفـت ضولـه = تجتمـع , يـا للعجـب والهـول بـل ياللإثـاره
موت دوله, لـوّ مـا يعنـي لنـا ميـلاد دولـه = كان ما شفنا اختلافٍ في حضاره عن حضـاره
لا يغرّك يـا فتـى قفـر تطـارد بـه وعولـه = كمّ مع ساقة وعـل قفـرٍ مشـت لبـوة مغـاره
اخطر الاعداء من يضحك وهو يسـرج خيولـه = واخطر الأصحاب من سرك معه, وتشـق إزاره
فتكتك باللي هو اضعف منك مـا فيهـا بطولـه = البطوله أن يكـن فتكـك بمـن فاقـك جسـاره
قبضة السلطـان مـن لا يـدّرق عنهـا تغولـه = ومن يعاندها تجيبه لـوّ فـي بطـون الجحـاره
خلّ عنك الجدّ مع مـن أمـسٍ آخذتـم زمولـه = مازحه ينسى,فقـد تحيـي سويعـة جـدّ ثـاره
من يحـاول أن يغيّـر ذو ميـولٍ عـن ميولـه = مثل من يسعى إلى تغييـر نجـمٍ عـن مسـاره
في خروج المرء عن ما حبّ - من قلب - دخولـه = سقطةٌ , والمـرء لا يجـدي بكـارٍ غيـر كـاره
الفشل وقـت النجـاح إيـاك تستبعـد حصولـه = النجاح اكبر فشل إن مـا أخذتـه عـن جـداره
القبـول مـن الله ولا يَحسـد المـرء بقبـولـه = غير ناس مـن حسدهـا تلتـوي بذنيـب فـاره
كـم صديـقٍ بادّعـاء الـود صجّتنـا طبولـه = والحسد كل الحسد شفنـا علـى وجهـه أطـاره
نية الحاسد لحاف أجرب ولـو جتـك امْغسولـه = ماله الا الحرق لو بـرد الثـلاث يطـق طـاره
كلّ ما يخفيـه ابـن آدم ولـو حـاول يحولـه = تظهره فلتة لسـانٍ منـه أو مـالعيـن إشـاره
يا مـدوّر مرجلـة مـن لا ملـك ذرّة رجولـه = يـا مـدوّر إبـرةٍ فـي قشـةٍ كبـر الزبـاره
إن موت الشعب أن ترحـل مـن الفقـرِ عقولـه = الفقر مـا حـلّ فـي شعـبٍ ولا ورّث دمـاره
حاكمٍ مشّى عليـه اربـع ميـة كذبـه رسولـه = انتبه تصـدق معـه ممكـن يحسّبهـا صقـاره
كم فضولي في العرب ساق له حتفـه , فضولـه = كم طميميعٍ خسـر دينـار فـي تدويـر بـاره
يوم ولد اللاش ما تطهـر مـن الخيبـه همولـه = الرجـال فعولهـا زادت ملابسـهـا طـهـاره
الفحوله أن يزيدك قُلّ مـا فـي إيـدك فحولـه = والحقاره أن يزيدك كثر ما فـي إيـدك حقـاره
لا تطب بوادي أرضٍ ما حسبت حسـاب غولـه = يـا كـلاك الغـول وإلا يـا تعشّتـك النمـاره
واعرف انْ ما جاء بْسهوله دايم يروح بسهولـه = والصعب روحته صعبه والفتى راضي وكـاره
ليس لـاللحيه وهـي بيضـا علاقـه بالكهولـه = إنما الكهل الحقيقفـي مـن فقـد معنـى وقـاره
كم عزيـزٍ أورده حـوضٍ مـن الذلـه خمولـه = والترف في بيت أصحاب الشرف يعني انهيـاره
بالأُسُل لا بالكسل ما طال مـن شـيءٍ تطولـه = تدرك الأمجاد قسـراً غـارةٍ فـي إثـر غـاره
كـم مخاليـق تهابلهـا ولا هـيـب مهبـولـه = لبّست راس الغبي- من حيث لا يدري- غضاره
لا تثق في واحـدٍ ترشـح مـن الهيْنَـه سمولـه = النذل يبقى نـذل لـو يرفعـك فـوق المنـاره
كم دنيءٍ بالفلـوس اشيـوخ نجـدٍ وقفـوا لـه = في رجا ما في يده ما يجلس إلا فـي الصـداره
المراجل سيل مـن عنـده مـن الدنيـا سيولـه = كم شريفٍ مـن فقـر جيبـه يخلّونـه عيـاره
ما ينال العزّ مـن نفسـه مـن العـزّه جفولـه = الثنا يوخذ بأطـراف القنـا مـا هـو طـراره
اتّحمّـل مـا يواجهـهـا منبّـشـة الدحـولـه = في الهبايا ما يعطّل مـن جمـع بـدوٍ عشـاره
(المغولي) بالمسـاواه أعظمـوا أمـره مغولـه = (والفزاري) بالمحابـاه احقـروا أمـره فـزاره
الزمن هـذا كتـاب جـاء فـي آخـر فصولـه = شعب كامل قـد تشـوّه هيكلـه نشـوة زقـاره
الجهاله في تجاهل من عليـك اوصـى جهولـه = كـل خُلـق بغيـر وقتـه لا أرى فيـهِ نعـاره
ليث واحد ممكن يـدوّخ بلـد عرضـه وطولـه = والف قرد وقرد ما فكّـت مـن بعيـرٍ هجـاره
ليس من شرط الشهامه أن تجـاول كـل جولـه = أو بـأن تنـزل بأعلـى قمـة رغـم الوعـاره
فالأسد يبقى الأسد في قـاع كـل ارضٍ نزولـه = والوباره دايمٍ في اعلى الجبـل وهـي الوبـاره
قل لبعل السوء عمر الضرب مـا أثبـت بعولـه = رغـم ليـن المـاء قطراتـه يشقّـنّ الحجـاره
في اقتفاء المجد تابـع لا تكـن نفسـك ملولـه = يدرك الصعبات من لا نام راسـه مـن عـواره
كم رجل من زود حذره نفسـه اليـوم مختولـه = بل ومن نفس الشيَ اللي يحذره واخفـق فـراره
واحدٍ يـزرع بـلا قصـدٍ وتثمـر لـه حقولـه = وواحدٍ يزرع وهـو قاصـد ولا يجنـي ثمـاره
زارع المعروف يرجي من ورا الناس امْحصوله = ليس معروفه بمعروفٍ قـدر مـا هـو تجـاره
رغم فقري كم ولد نعمه - غني وبخيـر - اعولـه = لإن ابوه معلّمه كيـف يْحَفِـظ قرشـه مهـاره
يا فتى دوك النصايح أخذها مـا ابغـى عمولـه = استفد منهـا وأفِـد علـمٍ أعرتـه لـك إعـاره
خذه واتركنـي لأنّ الليـل قـد أرخـى سدولـه = حان وقت مْعَـاوَدَة ميـلاد طفلـي واحتضـاره

خلّ عنك الجدّ مع مـن أمـسٍ آخذتـم زمولـه = مازحه ينسى , فقـد تحيـي سويعـة جـدّ ثـاره

في خروج المرء عن ما حبّ- من قبل - دخولـه = سقطةٌ , والمـرء لا يجـدي بكـارٍ غيـر كـاره

الفشل وقـت النجـاح إيـاك تستبعـد حصولـه = النجاح أكبر فشل إن مـا أخذتـه عـن جـداره

الفحولة أن يزيدك قُلّ مـا فـي إيـدك فحولـه = والحقارة أن يزيدك كثر ما فـي إيـدك حقـاره

واعرف (إ)نْ ما جا (إ)بْسهولة دايم يروح بسهولـه = والصعب روحته صعبه والفتى راضي وكـاره

بالأُسُل لا بالكسل ما طال مـن شـيءٍ تطولـه = تدرك الأمجاد قسـراً غـارةٍ فـي إثـر غـاره

لا تثق في واحـدٍ ترشـح مـن الهيْنَـه سمولـه = النذل يبقى نـذل لـو يرفعـك فـوق المنـاره

ما ينال العزّ مـن نفسـه مـن العـزّه جفولـه = الثنا يوخذ بأطـراف القنـا مـا هـو طـراره

ليث واحد ممكن يـدوّخ بلـد عرضـه وطولـه = والف قرد وقرد ما فكّـت مـن بعيـرٍ هجـاره

ليس من شرط الشهامه أن تجـاول كـل جولـه = أو بـأن تنـزل بأعلـى قمـة رغـم الوعـاره

فالأسد يبقى الأسد في قـاع كـل ارضٍ نزولـه = والوباره دايمٍ في اعلى الجبـل وهـي الوبـاره

كم رجل من زود حذره نفسـه اليـوم مختولـه = بل ومن نفس الشيَ اللي يحذره واخفـق فـراره

واحدٍ يـزرع بـلا قصـدٍ وتثمـر لـه حقولـه = وواحدٍ يزرع وهـو قاصـد ولا يجنـي ثمـاره

هلا صاين

قلت

ما مفردة " القردة " فهي مقابلة لمفردة " الليث " وكلاهما حيوانات ولكن المقصود هي أفعالها وليس

كينونتها بحد ذاتها ..

ثم لماذا نترفع عن الحيوانات وهي مخلوقات من مخلوقات الله ؟؟؟

الشعر تلميح ..

وليس كما تريده تصريح ..


ليست للقردة افعال خسيسة تسب بها

وانما

لها أشكال خبيحه لذلك يضرب بها المثل فى القبح والدمامه

قال الشاعر

يهجو رجل اعمى

فيا اقبح من قرد = اذا ماعمي القرد

فشبه الرجل الاعمى بأنه اقبح من القرد الاعمى وهذا قمة الذم

لذلك

عاقب الله بعض اليهود بأن مسخهم قردة وخنازير

ويكفى

بالقرد قبحا ان الله قرنه بالخنزير عند مسخ بانى اسرائييل

فمن المحال ان يشبه ناصر زملائه بانهم قردة

ولو صح منك هذا

لكان فى البيت ضعف شديدا جدا لايليق بشاعر فحل كناصر الفراعنه

وشكرا